Verfekê Melîsê Karkerê Madenê Soma Alî Sogut û Ercan Çetîn Yilmazî derheqê referandûmî de qisey kerdî û aşkere kerd ke ‘bedilnayîşê qanûnan de ti heq karkeran rê nêameyo dayîş.’
Yilmazî vist vîrî ke ‘seba karker û citkaran çîyêk daxî çin o’ û û wina dewam kerd: “Heme karkerê Soma dewijê dorme yî. Erdê dewijan destê înan ra ameyî girewtiş. Cok ra dewijî mecbur î bixebetyî. AKP wextê îqtîdarê xo de ti sozê xo nêardo ca. Mufettîşî bi formalîte yenê madenan û cigêrayîşan nêkenî. Mumkun nîyo ke karmendî nê şert û mercan de vajî ya. Ma seba 301 embazanê xo vanî nê.”
Yilmazî hayr ant soz û waadê Erdoganî ser û va: “Badê hedîseyê Soma Erdoganî va ‘ez do seba pawitişê karmendan qanûnanê neweyan biveja.’ 3 serrî vîyartî, heqê karmendan de ti bedilnayîş nêbîyo.”
ZEYNEP KURAY / ANF / STENBOL