Hereketê Cinîyanê Azad (TJA) bi îzahatekê nuşteyî vengê tewbîyayîşê Newroze da. TJA îzah kerd ke heta nika xeynê cuya azad, cuyeke bîn qebûl nêkerd.
TJA hayr ant bedelê ke seba serbestîye amey dayen ser û wina va: “Seba ke ma nêbê kurdê kole, ma bi doman, cinî û canê xo bi qehremanî xover da. Ma ge ge bî Zekiye, Sema, Rahşan, Ronahî û gegane zî bî Mazlûm û Bêrîvan. Ma ge ge Cizîr de bî serewedaritiş, gegane zî Amed de bî 28’ê Adare, Nisêbîn de bî serewedaritiş. La ma tim bî Sûr, Gever, Nisêbîn, Cizîr, Licê, Şirnex, Hezex, Agirî, Riha, Êlih Wan û sûka Mûş. Yanî ma tim bî Kurdistan.”
Bi rihê 8ê Adare ma şirê Newroz
TJA va ke iyê dê reyna serbestî pêrokîn dinya rê biqîrê; ‘Endî wextê Kurdistana Azad o. Serkewtiş yê ma yo, ma dê teqez serbikewê.’
Îzahatê TJA bi nê vatişan qedîya: “Seba azadî Newroz, seba ke ma bi Rayverê xo ra azad bibê ma vanê Newroz. Seba Kurdistanêke Azad Newroz, seba dîktatoriye rê Nê Newroz. Ewro yê ma yo, siba yê ma yo, ameyox yê ma yo, na govend, na eşq, na xoverdayîşa bi rûmet û na Newroz yê ma ya. Bêrê ma pîya adirî û tîje pîya verwazî bikerê. Bêrê ma pîya bi rihê 8’ê Adare biherikyê meydanan û azadîya xo biqîrê.
NAVENDÊ XEBERAN