Serekê Pêroyî yê Weqfa Kulturê Haci Bektaşi Velî (HBVAKV) Dr. Tuncer Başî zî babeta referandûmî de qisey kerd û vînayîşê xo ard ziwan.
Başî dîyar kerd ke ‘şert û mercê OHALî de weçînayîşê muxtarî daxî ganî nêro viraştiş’ û wina va: “Bi nê bedilîyayîş do heme mekanîzmayê qerarî destê kesêk de kom bibî. Ma do kesêk biweçînî û no kes do qet nêro mehkemekerdiş. No kes hem lîsteya parlamenteran bivirazo û hem zî caardişî dîyar bikero. Labelê goreyê ma ganî mekanîzmaya kontrolî bibo. Nê sîstemî de ti mekanîzmaya kontrolî çin a.”
Çîyêko ser partîyan de yo
Başî dewamê qiseykerdişê xo de va ‘no referandûm vejîyayîşo peyên yo dîktatorî ra ver o’ û wina va: “Ganî îradeya komelî teslîmê kesêk nêro kerdiş û nêyî ra bivajîyo nê. Ma seba rexistinkerdişê nêyî, bi hetanê cîya-cîyayan yê komelî reyde mîyanê têkilîyan de yî. Ganî ma rêxistinekerdişê nêyî biaçarnî teşebusê welatîbîyayîşî. Çimkî no çîyêko ser partî û rêxistinan de yo. Ganî ma nê felaketî komelî ra vajî.”
Elewîyî do tesilî vajî nê
Başî peynîya qiseykerdişê xo de wina va: “Wazenî HDPyî terorîze bikerî û hewl danî piştîdayîşêyewbînanî yê HDP û CHPyî bişiknî. Cok ra ganî grûbê sey elewî û kurdan pîya hereket bikerî. Elewîyî do tesilî vajî nê.”
ENQERA