Denîz Nakî heme futbolbazanê kurd ra veng da û vat ke seba kaykerdişê futbolî qet Tirkîyaye tercîh nêkerî û eke kam di Tirkîyaye ra kaykerdişê futbolî verçim bigêro do no demî cuyayişê ey binê teluke bibo û ganî Tirkîya di tercîha şima de tewr peynî welat bibo.
Di Tirkîyaye de elewî û kurdbîyîşê ser Denîz Nakî ra çend ra hêriş ame kerdiş û no qewimyayişan ser zî Nakî her tim, rojdemî Tirkîya û Ewropaye ame, tewr peynî qewimyayişî ser Nakî fek Tirkîyaye ra verada û Ewropaye ra agêra. Denîz Nakî ser înternetî xoverodayişê Kobanê ra hetkarî dabi û no ser zî çeteyê nijadperest Denîz Nakî ra hêriş kerd. No hêrişî ser zî Nakî fek Tirkîyaye ra verada û Ewropaye ra agêra.
Qewimyayişî ser Denîz Nakî qise kerd. Nakî aşkera kerd ke 7 aşm verê ser înternetî çeteyê nijadperest her tim ey ra gef wendî û taybetê kamîya ey a kurd û elewî ra çeteyê nijadperest hêriş kerdî û wina domna: “Tewr peynî qewimyayişî zî hetkarîdayişê min yê xoverodayişê Kobanê destpê kerd. Ez embazê xo dir, seba werdişê nanê vejîyaya teber la belê di rayîrê de çeteyê faşîst verê min girewtî û sifteyin min ra kifir kerdî û peynî zî min ra hêriş kerdî. Peynî zî min ra vatê eke ti na welate terk nêkerî do ma to bikişî.”
KULUB WAYÎR NÊVEJÎYA
Nakî aşkera kerd ke peynîya qewimyayişî bi lezî kulubê xo ra xeber dayo la belê peynî rayedarê kulubî ey ra boton eştî û vatê ke guya Nakî înan ra êre xeber dayo û wina dewam kerd: “Dema ke ez hîna Tirkîyaye nêameybi seba Gençbîrlîgî vatbî, taxima ke zaf rind a la belê hetgirê Gençbîrlîgî faşîst vejîya. Tena min ra hetgirê Kara Kizil û embazê min wayîr vejîyay.”
XOVERODAYIŞÊ KOBANÊ
Nakî destnîşan kerd ke peynîya qewimyayişî malbat û embazê ey seba agêrayişê telefon kerdî û wina vat: “Peynîya qewimyayişî nêçare ewlehîya ganî xo Tirkîyaye terk kerdo. Ewro bi kardan hêriş kerdî do sibeh bi çekan hêriş bikerî. Ez ganî xo ra qet nêterseya, tena vengê embazê xo ser agêraya. Ez her tim do xoverodayişê Kobanê ra hetkarî day û hetkarîdayişî xo zî bidomno.”
REHA SARI / BERLÎN