Temsîlkarê sazî û dezgehê elewîyan derheqê referandûmî de qisey kerdî.
Serekê Pêroyî yê Komeleya Kultirê Pîr Sultan Abdalî Ganî Kaplanî va ‘No weçînayîş nîyo û wina domna: “Wa tena madeyêk nîşan bidî ke ma ci rê vajî ya, ez do vaja ya.Kamcîn made do problemê kurd û elewîyan çareser bikero? Kamcîn made do problemê şero mîyanên çareser bikero? Ma do saltanat û zîhnîyetê Yezîdî birijnî.”
Yê hemînan o
Serekê Pêroyî yê Federasyonê Elewî û Bektaşîyan Muhîttîn Yildizî zî va, “Elewî Kerbela ra nata tim ameyî pelçiqnayîş û raştê qetlîyaman ameyî. Yê ke heta nika rolê mexdurî de kay kerdêne, nika bi qanûno bingeyîyêko faşîst vejîyenî şarî ver. No felaket o. Cok ra referandûm de elewîyî do vajî nê, nê, nê.”
Serekê Pêroyî yê Komeleya Kulturê Anatolya ya Haci Bektaşi Welîyî Tuncer Başî zî aşkere kerd ke nizdîbîyayîşê dewlete yê elewîyan Osmanîyan ra nata dewam keno û va, “Elewî do heta peynî vajî nê.”
ANQARA