Bi hetkarîya Yewîya Tayber ya Rayapêroyî 6 nêweşxaneyê bajar ameyî akerdiş. Dewlete garantîya se ra 70 dekerdişê nê nêweşxaneyan daye şîrkenê ke nêweşxaneyan rayîr benî rê. Na rewşe vera Mêrsîn de xeylê beşê nêweşxaneyan padîyayî û nêweşan sewqê Nêweşxaneyê Bajar yê Mêrsînî kenî. Serekê Odeya Doktoran yê Mêrsînî Mehmet Antmenî da zanayene ke cuya merdiman çin yena hesib nayîş.
Antmenî qiseykerdişê xo de va ‘hedefê viraştişê nêweşxaneyan oyo ke pereyan neqlê şîrketanê taşeronan bikerî’ û va: “Wezîrîya Weşî xeylê nêweşxaneyanê merkezê Mêrsînî de nobeta trvamayê acîl nêdana tepiştiş. Kesê ke rewşa înan acîl bibî bi ambulansan neqlê nê nêweşxaneyan kenî. Yanî heme bar milê nêweşxaneyê bajarî de yo. Seba astengkerdişê heqê weşî heme çî yeno kerdiş. Kesê ke zehmetî ancenî zî şar o.”
MÊRSÎN