11ê Êlula 2016î ra nata ti xebere Rayberê Şarê Kurdî Abdullah Ocalanî ra nîna girewtene û tecrîdo giran ver kurd û dostê kurdan zaf etirîyenî. Seba ke tecrîd bêro wedarnayene û azadîya Ocalanî çalakîyê tewir bi tewirî yenî organîze kerdene. Bitaybetî welatanê Ewropa de çalakîyî resayî dûştêko berz.
Nê çalakîyan ra yewe zî kampanyaya ke seba Ocalanî ser medyaya komelkî de dîya dest pêkerdene ya. Kampanya bi etîketê #CptActForOCALAN dîyaya dest pêkerdene. Çarçewaya kampanya de veng dîyaya Komîteya Vernîgirewtişê Îşkenceyî ya Konseyê Ewropa (CPT) ke wa şêro Girawa Îmrali zîyaret bikero û derheqê Ocalanî de melumat pare bikero.
Çarçewaya kampanya de keyepelê ciresnayîşî yê CPTyî zî ameyo pare kerdene. Dezgeyê mîyanneteweyî û parlamenterê HDPyî zî destek danî çalakîye.
JINNEWS / AMED