Namzedê HDPyî yê Serekkomarîye Selahattîn Demîrtaş ke Zîndanê Edîrne de tewqîfkerde yo, ame musayîş ke seba qiseykerdişê ci propoganda, bîşêrî Anqara. Heyetê Weçînayîşî yê Berzî (YSK) no het de qerar da ke namzed Demîrtaş qiseykerdişê xo yê propoganda studyoya TRTyî ya Anqara de bikero. Na çarçewa de dewlete do seba 2 qeydanê cîya-cîyayan 2 reyî Selahattîn Demîrtaş bîşêro Anqara. Demîrtaş seba qiseykerdişê 17ê Hezîrane 13ê Hezîrane de, seba qiseykerdişê 23ê Hezîrane zî 22ê Hezîrane bikewo studyoya Anqara. PÎRHA / STENBOL