Şêniyên navçeya Amûdê şehîdê YPG‘ê Emar Deqorî (Ebû Şahîn) di bin baran û zîpikê de spart axê.
Emar Deqorî 20‘ê Nîsanê li Dera Zorê şehîd bûbû û li goristana Şehîd Îsmaîl hat oxirkirin.
Şêniyên Amûdê cenazêyê şehîd ji navenda Meclîsa Malbatên Şehîdan a navçeya Amûdê wergirt û bi sloganên ‘Şehîd Namirin’ ber bi goristana Şehîd Îsmaîl vê meşiyan.
Merasîm bi rêûresma eskerî dest pê kir û axaftin hatin kirin.
Hevserokê Meclîsa Malbatên Şehîdan a navçeya Amûdê Seyîd Ferso sersaxî ji malbata şehîd re xwest.
Femandarê YPG‘ê Berxwedan Amûdê diyar kir ku şehîd Emar Deqorî beşdarî gelek hamleyan bû û di encama êrişêke hovanê de şehîd bûye. Her wiha Amûdê anî ziman ku malbate Emar Deqorî di şewata sînemaya Amûdê de gelek kes xilas kirine: “Em di oxirkirina şehîd de dîsa soz didin û dibejin, xwîna şehîdê xwe ti carî li erde nahêlin.”
Piştî axaftinan Hevseroka Meclîsa Navçeya Amûdê, Selma Silêman nasnameya şehîd xwend û radestî malbata wî kir.
Di dawiyê de şêniyan cenazeyê şehîd Emar Deqorî li ber tililîyên dayîkan, spart axê.
ANHA / QAMIŞLO