Aşma Gulane sey Aşma Şehîdan yena zanayîş û her serre xeylê cayanê dinya de na aşme de aktîvîteyî yenî viraştiş û şehîdî yenî yadkerdiş. Emser zî xeylê cayan de çalakîyê vîrardişî ameyî viraştiş. Bitaybetî Ewropa de welatê Hollanda, Almanya û Avusturya de şehîdê aşma Gulane ameyî vîrardiş.
Rojnameger, nuştox, sîyasetmedar û temsîlkarê xeylê partî û rêxistinan beşdarê vîrardişan bîyî. Kombîyayîşan de beyraqe, flama û posteri ameyî akerdiş û fotografê şehîdan ameyî aliqnayîş. Qiseykerdişê ke kombîyayîşan de ameyî kerdiş de qala weçînayîşê 24ê Hezîrane zî ame kerdiş. Qiseykerdişan de qala muhîmîya qezençkerdişê weçînayîşî ame kerdiş û muhîmîya raydayîşî ame ziwan. Reyna qiseykerdişan de ame vatiş ke kesê ke bîyî sebeb ke no têkoşîn heta roja ewroyî bêro, şehîd î. Kombîyayîşan de qiseykerdişan ra dima sînevîzyon ame nawitiş
Heto bîn ra Yewîya Cinîyanê Kurdan (YJK-B) û Komunê Marîya Mazda zî kongreyê xo viraştî. YJK-Byî kongreya xo ya awanbîyayîşî, Komunê Marîya Mazdaye zî kongreya xo ya dîyine viraştî. Kongreyî bi rêzgirewtişî dest pêkerdî û bi analîzê rojeva sîyasî dewam kerdî. Kongreya YJK-Bye de perpektîfê Rayberê Şarê Kurdî yê azadîye ser o ame wendiş.
MERKEZÊ XEBERAN