Semedê weçînayişê 7’ê hezîranî HDP bi her hawayî lez daya xebatêy xo. Şarî zî semedo ke hetkarî bido û hetkarîy zêd bikêy ra xebatêy xo dewam kenêy. Pîrê elewîyê Gurgum (Mereş) ra Abûzer Erdogan zî semedo ke şarê elewî hewna zêd HDPî ra hetkarî bidorêy ra qise kerd û ard ziwan ke semedo ke elewîy rayeke bîn raştê terteleyan meyrêy ra lazimo ke hemeyê elewîyan rayên xo biderêy HDPî.
Erdogan semedên raydayişê HDPî ser de zî wina dewam kerd: “Zafêreya elewîyan fikiryenêy ke semedo ke elewîy bi destê partîyê bînan derbeke bîn zî mewrêy û raştê terteleyeke meyrê ra HDPî dimde geyrenêy ke bi ser bikûra û şarîy xizanî û bindesteyî ra rizgar bibêy.”
Elewî perçe kerdîy
Pîrê elewîyan Abûzer Elbîstan Gurgumî dewa Kantarma ra pîrê ocaxa Aguçan Murşîdî yo. Mijara weçînayişî de wina dewam kerd: “Elewîyan perçe perçe kerdîy. Şarê Gurgumî bawer keno ke HDP bi ney weçînayişî ra pey nêheqî û şîdetêy ke estêy hemeyan wedarno. Çimkî na gam elewîyan perçe perçe kerdêy. Bawerêy jûbînan û kesêy bînan zî nêbenêy. No çîyeke zaf şaş û talûke vila keno yo. Ma semedo ke elewîy hewna zane bibêy ra ma vat; ‘ziwan û nijada elewîyan çîno, semedo ke merdimatî bicuyo ra têkoşînî mîyan de bibêy.’ La ewro zaf kemasîyan de cuyenêy.”
Pey heqîqetî de şonê
Erdogan bal ant perçebîyişê elewîyan û vat hewna zî perçebîyayiş dewam keno û dewam kerd: “Elewî şert û mercîy se benêy wa bibêy semedo ke biresêy rasteyî ra xebatêy xo kerdo. Ma verî dew bi dew geyrayê neheqîya ke esto ra bi civatkî çare bivînêy ra kom bîyê ma hal kerdêy. Ewro zî wazenêy ke kurdan biqedînêy. Semedo ke ma biresê raşteya xo a vêrînî lazimo ke ma sifte raya xo biderêy HDPî ke ma kerdişên hovane zey qikerdişan ra rizgar bikero û bipawo.”
Erdogan dergeya qisey xo de bal ant şaşîya AKPî ser de wina dewam kerd: “Ewro AKP semedo ke Osmanîya newe birono ra têkoşîn dana. Hetê bînî ra partîya HDPî est a. Raşteyê ma û feqîran dim de ya. Semedo ke bawerîya elewîtî avera bişêro ra xebatîy virazyenêy.”
Partîya Elewîyan HDP
Erdogan ciresna ke hetanê elewîyan CHPê ra hetkarî day û wina dewam kerd: “Çi heyfo ke ê CHPê ra heqê xo nêgirewtî, CHP her tim elewîyan zey biryarê zewnbîn vîna, sifteyin Dêrsim de peynî zî zewnbî cayan de zîhnîyeta CHP elewîyan qir kerd. Dinyayê kam mezhep ona wehşetî gird qebul kerdo, qet sîyasîyan heqê elewîyan nêpawitî, ma biewnê hetanê nika yew elewî serekkomar, walî, qeymeqam û mudirê emnîyetî bîyo. Ma dema ke persenê ma ra vanê; şima nêeşkenê heqê nê gureyan bidêy û bikerêy.”
Erdogan îzeh kerd ke ê HDPê zey partîya elewîyan vînenêy, êy omidar êy ke do HDP heqê elewîyan bipawo, çimkî elewîyan HDP zey partîya xo vînenêy.
Erdogan vat ke eke elewîy HDPê ra hetkarî bidê se do seba elewîyan kêfweşî bibo, îqtîdarbîyîşê HDP tewr zaf elewîyan ra do weş bibo, çimkî di mîyanê elewîyan de êdî feqîrî, bêkarî û bêedeletî û nêheqî biqedîyo.
DÎHA/RIHA