Çarçiwaya mîhrîcane de vizêr kaya “Peynîya rojeke derge” a ke derhênerîya ci Goran Alî Kerîm keno, îdarekerê Tîyatroyê Suleymanîye tede ca gênî, salona DBŞTe de amey pêşkêşkerdiş. Kaye ra dima serekê Dayîreyê Kultir û Hunerî Muharrem Cebe plakêt da kaykerdoxan.
Ûca de kam esto?
Tîyatroyê Bogazîçî-BGST zî kaya “Kim Var Orada-Muhsin Bey’in Son Hamleti” “Uca de Kam esto-Hamletê Musîn Beyî yo peyîn” Salona Navendê Kultir û Hunerî ya Cegerxwînî de amey pêşkêşkerdiş. Kaye raştê eleqeyêka pîle amey. Unca kaya “Srud Gelekî Dirind e” a ke nuştoxîya ci Kasim Metrod kerda, û derhênerîya ci Merîvwan Zengene keno û hetê Koma Tîyatro ya Kerkûkî ra hedre bîya Navendê Kultir û Hunerî ya Cegerxwînî de amey pêşkêşkerdiş.
Nêameyî vîrakerdiş
Çarçiwaya Mîhrîcana Tîyatroyî yê Amedî yo 3’yîn de temaşekerdoxê domanî zî nêameyê vîrkerdiş. Kaya ‘Pîr û Luye” a ke derhênerîya ci Elvan Koçer kena û kaykerdoxê DBŞTe tede ca gênî û bi zarawaya kirmanckî de ameya hedrekerdiş zî amey pêşkêşkerdiş.Kişta bîne ra çarçiwaya Mîhrîcane de semînerî zî yenî dayîş. 21’ê Teşrîne meymanê Mîhrîcane kaykerdox Mahîr Gunşiray bi. Gunşiray semînerê xo de vat ke; ‘Na dinya de wazenê her çî merdimî bidî vîrkerdiş. Ma zî semedo ke wa çîyêk nêro vîrkerdiş tîyatro kenî.”
AMED