Şengal de Roşanê Êzî

Serrî mîyan de xeylê roşanê Êzîdîyan estê. Nê roşanan de êzîdî yenê pêser û roşanê xo fîraz kenê. Roşanî saetanê şewdirî ra dest pêkenê. Kubbe yenê zîyaret kerdiş. Taybetmendîya roşanan no yo ke roşanî de şêlig yeno pêser. Kes keye yan zî cayanê bînan de roşanî fîraz nêkeno. Dorûverê kubbe de êzîdî yenê pêser û bi coş û hola hol roşanî fîraz kenê.

Êzîdî her çî yewbînî ra bare kenê. 

Rojî mîyan de perî (yew paço gird, kesk û sûr û zerd o) anê û kubbe de ca kenê. Nê vîstan de coşa şêligî berz beno. Roşan bi no hewa dewam keno. Wexto perojîye de şêligî bi şêwazê komunî pêr û pîya ronişêne û wer werdêne. Xora roşanê êzîdîyan de çîyo bal antox zî no yo ke êzîdî çi çî şexsî nêkenê. Hemine çi esto se yewbînî ra bare kenê. Bi no hewa roşanî dewam kerd. Roşanî de taybet cenî û keynekî çinayê xo yê kurdî xo ra danê. Bi no tewir dîmenî yê reng bi reng vejîyay orte.

Çeteyanê DAIŞ 3ê Tebax 2014î de eştî hardê mûqades Êzîdxan ser û bi hezaran Êzidîyanê kurd qetil kerdbi û 73. Fermana Êzidîyan viraştibi.