Hardê Êzîdxan de, cenîyê ke qirkerdişê çeteyanê DAIŞ ra xelesîyay, koyanê Şengal de weşî newe ra bi emegê xo ronenê. Cenîyê Şengalijî nika ra seba zimistanî destpa viraştişê tenûr kerdî. Cenîyan ra Koçer Êzidî ya ke bi destanê xo tenûr virazena, aşkere kerd ke tenûr înan het de zaf mimbarek a.
Koçer vist vîrî ke seba viraştişê tenûr ê hera werdî anê, bi awe elawitenê (mîşte kerdene) û wina va: “Tenûr bi xo 7 rêzeyî ya. Nika ma 2 qatê ci viraştî, hona 5 qatê ci mendî. Tenûr binameyê Sitiyaêse, a zî îlaheyanê ma êzidîyan ra jû ya. Homara 7, êzidîyan de bimbarek a. Îtiqatê êzidîyan de 7 melek estê. 7 rojê hefteyî estê. Nayî ra ma 7 qatê tenûrî virazenê. Bado ke ma viraştişê qatê tenûrî qedîna, ma ver tîja rojî de verdanê ke wişk bibo. Dima ra zî ma ser erdî de bi kemeran (sî) cayê ci virazenê. Wişkbîyayiş ra dima ma zerreyê ci de adir wekenê, wexto ke zerreyê ci bi spî ma destpa viraştişê nanî kenê.”
Barê ciwîyayişî ser cenîyan o
Koçer Êzidî da zonayen ke tenûr bi herî, awe, simer û kemeran virazîyena. Cenîya Şengalij vist vîrî ke zerreyê ciwîyayişî de cenî her tim bi sebirekê gird emegê ronayişî danê û dîyar kerd ke barê ciwîyayişî pêroyî ser doşanê cenîyan o. Êzidî hayr ant rewşê domananê Şengalî ser û va, ‘domanî i huwenayişî û zerrîweşîye çormeyê dayikanê xo de are benê û pewtişê nanî pawenê. Domanî bi dayikanê xo ra tenya zehmetîyan nêsilasnenê, wexto ke înan het debê, hertim bi omidê serkewtişî û huwenokîye.
ŞENGAL / XENSÊ XIDIR / JINHA