Hardê dirbetî Êzîdxan, bi ameyenê wesarî açarîya xasekîyeke xozayî. Rixmê pêrokîn hêrîşan gilê daran ra vilî abîyay, çorme açarîya renga kihoyî.
Warê şarê ma yê Êzidîyan Şengal ke 3ê Tebaxe 2014î de bi qirkerdişeke gird ra rî bi rî mend û nika reyna hedefê hêrîşanê qilêrîn yê PDK-AKP de yo xover dano. 2 serranê peyenî de gonîya doman, genc, cinî, kal û pîranê Êzidîyan rijîya hardê muqadesî ser.
Xozaya Êzîdxan ke vera nê dej û dirbetan xover dana, rixmê pêrokîn şer û pirodayîşan xover dana, rîyê xo açarna wesarî. Şengal, bi ameyîşê wesarî kincê (çina) xo yê veyvikî day xo, bi abîyayîşê çîçegan, bi vengê mirîçik, kew û bilbilan zey leteyekê cenetî yo.
ŞENGAL