Peynîya 4 aşmê Operasyonê Azadkerdişê Şengale destpê kerd. Bi no operasyonê êdî di Şengale de statuya êzidîyan ser nîqaş yenakerdiş. Hemserekê Federasyonê Komeleyê Êzidîyî (FKÊ) Alî Atalan dîyar kerd ke Şengal parçeyê Kurdistanî yo, no ser zî ganîyo ke statuya Şengale bibo û wina vat: “Di Şengale de newe terteyan nêbîyîşê ser bi bingehîya xoserîya cewherîyê de xoserî di Şengale de bêro înşakerdiş.”Atalan wina vat: “No operasyonê şorişger di mîyanê êzidîyan de omidê xelq kerd, peynîya operasyonê 10 hezar êzidî koyê Şengale ra xelisyay. Taybetî rayîrê DAIŞe ya korîdorê Mûsil û Rojawane ame qefelnayiş û no zî seba DAIŞe darbeyeke gird o. No ser zî êzidîyan na hamleye zey roşn nirxnenî. Dîrok ra nika Tevgera Kurd yew tevgera wijdanî yo û bi paradîgmaya xo komeleya azad zî destpê na hamleye kerd. Çeteyê DAIŞe waştê bawerîya êzidîyan a humanîst peynî bikerî, verba no hêrişê zî Tevgera Kurd yew refleks mojna.”

Rol û mîsyonê YBŞ
Atalan aşkera kerd ke YBŞ bi HPG de têgerîyena, no operasyonê ra YBŞ zî beşdar bîya û performanseke dîroke mojnayo û wina dewam kerd: “YBŞ hêzê êzidîyan a tevgera xoverodayişî yo. Hetanê nika êzidîyan ona tevgerake bi pergale rayvist nêkerdbi. Bi akerdişê korîdorî Vakurê Kurdistanî ra beşdarê YBŞe zêdîya. YBŞ seba Şengale bingeyîya pergala pawiyayişê ya cewherîyî eşta, no ser zî ganîyo ke heme êzidîye hetkarîye YBŞe bidî. Hîna nêameya tesbîtkerdiş ke çeteyan çika zirarê Şengale day. Ma bawerê çeteyan heme cayê bawerîya êzidîyan ra zirar day. Êzidîyan ra nêyarîya çeteyê DAIŞ zîhnîyeta înan a faşîst ra yena û no ser zî verba çeteyan têkoşîndayiş wezîfeya merdimatî yo.”

Xoserî şert o
Atalan tewr peynî ciresna ke Şengal parçeyê Kurdistanî yo, no ser zî ganîyo ke statuya Şengale bibo û wina vat: “Di Şengale de newe terteyan nêbîyîşê ser bi bingehîya xoserîya cewherîyê de xoserî di Şengale de bêro înşakerdiş. No ser zî ê hetanî peynî têkoşîna xo bidomanî.” 


ALÎ GULER /ANF/KOLN