Hewce bi tekoşîna biçekan çinya. Lazimo pirsgirêkan ser bêro xeberdayiş. Hewcetîya Tirkîya bi demokrasi esta. Sedem nê şerî politikaya netewdewletî ya. Politika netewdewletî înkar û îmha ser ameyo awankerdiş. La no takoşînê hende serran, na polîtîka înkar û îmhayî, na polîtîka yew milet, yew ziwan , yew ol, yew mezheb henî na erdnîgarî ser reyara nêşina. Lazimo na polîtîka bêro bedelnayiş. No bedelneyişe zî ewroyî ra dima (pey) bi xeberdayiş, bisîyaset bêrokerdiş. Semedê ney zî lazimo dewlete tay gamanê makezagone bierza.
Bawerîya bi zagonî bido. Verê ney zî muzakere bêrokerdiş. Muzekere zî tenê bi xeberdayişî beno. Xeberdayiş zî roniştişê bi yewbînandir o. No di serrêy şîyayişê girawa Îmralî virazyeno. Yê şinê heyeta HDP û hetê dewletera zî hukûmeta AKP kamî birêşrawo se êy şinê. Heyeta HDP Îmralî ra ku amey şinê AKP eydire hevdîtine kenê. Birêz OCALANî çi vato yinera vanê. Ewca ra zî şinê Qendîl hem hevdîtinê bi serok OCALANî hemzî verpersê hukûmatî teydi çi qisey kerdo yewbînan ra vanê. Ewca ra ageyrenê raynê wazenê şêrê Îmralî. Verpersê hukûmatî ku destûr bidê şinê. No ewna heta eyro ameyo.
Zehf rayan verpersê hukûmatî astengî veta. Wextê ceyde nêeşrawitê. Raynê beyntarê xeberdayişê heyeta HDP û yê hukûmetî de nakokî virazyay. Yew zeybînan nêvato. Zey yewbînî nêvatiş serê civakî de nakokî virazyay û viraştîy. Nika wirdî hetîy teydir roniştîy. Civakê Tirkîya goştarîy kerd. Nika heme civakê na erdnîgarî zana semed çek raynê nêteqo, çek bikar nêro. Lazimo dewlete semed demokrasî game bererzo. Vernîya sîyasetêy legalî akero. Lazimo tenê heyeta HDP û hukûma nê, kesêko bawerî danêy civaka Tirkîyayî yinan ra zî heyetîy bişêrêy Îmralî bi birêz OCALANî de ronişê. Goşdarîy yewbînî bikerêy. Yewbînîy ra se vanê heyetêk teydir nişenêro çi qisey yenêkerdiş bêrê eşkerekerdiş. Tene OCALANî de nê, nê heyetî şêrêy Qandîl zî, şêrêy partîyêy sîyasîyan hete zî û şêrê verê rêxistinê civakan yê sifîlan zî. Ewna bibo çîke binê cilike de nêmaneno. Heme çiy rafiyeno verê çiman. Tenê bi no sazî bibo hewce bi çekan nêmaneno. Tenê bi no sazî demokrasi virazyena.
Tenê bi no sazî hewcetî bi kamco zagon bibo yena viraştiş. Makazagon yena bedelneyiş. newera yena nuştişî. Na makazagona cuntaya 1980 de ameya viraştiş bi gor şert û mercêy a roce virazyay. A rocan ra heta ewro, serra 2015’î zehf çîy amey bedelneyiş. Dinyayî de zehf çîy bedilyay Rojhilato mîyanin de zehf çîy bedelyay. Kurdistanî de zehf bedelnayişîy virazyay. Xoveredayişê KOBANÎ tenêy bi serê xo mîlade ke yo. Ewro ra pey nê cilê bi fesala terzîyê cuntay civakîrê teng yenê. Lazimo bi gor waşteyê ewroyî cilîy bêrêy feselnayiş. No fesal zî tenê bi yê des xalan beno. Des xalêk heyeta Îmralî û verpersê hukûmetî deklere kerd. Kam bizano şer bikero se o zano aştî zî biyaro.
Nesîp GULTEKÎN