Serdanên heyeta KNK li Herêma Federal a Kurdistanê didome. Heyeta KNK’ê ya ji Cîgira Serokê Kongreya Neteweyî ya Kurdistanê KNK’ê Nulufer Koç, berpirsê pêwendiyên derve yê KNK’ê Celal Kemalîzade, Berpirsyarê Başûrê Kurdistan yê KNK Xebat Mihemed çûn serdana Navenda Yekgirtû Îslamî ya Kurdistan. Di ziyaretê de serokê partiya Yekgirtû Îslamî ya Kurdistan Mehmet Ferec, berpirsê peywendî û didarê Seîd Elî, endamê meclîsa Yekgirtû Îslamî ya Kurdistan û parlementer Semîr Selîm di hevditinê de amadebûn. Di hevdîtinê de li ser giringiya konferansa neteweyî rawestiyan û diyar kirin ku pêwîste konferans ne li gor berjewendiya hin partî û hin kesayetan be û amadekariyek berfereh bê kirin. Pêwiste hemû partî û aliyê siyasî yên Kurd beşdarî Konferansa Netewî ya Kurd bibin.
HEWLÊR