Kivanç nuşteyê xo de no rayvistişê ser agahî muhîm dano. Nika rojhilatê başurî de rayvistineke bi nameyê “Serîyyeyêy Şêx Seîdî” esta û no hawa aseno ke rojê vernîyama de ma no name do zaf seh bikerî. “Ferhenge de serîyye, reyaya sêra ra virazyena. Sêra mana; raywanîya şewe kerdiş an dayene kerdene, an zî şewe rayîr kewtiş ana ziwan. Serîyye zî yena mana yewîya eskerî, tîma bi çek, bolika yew arteşî. Nê yewitîya eskerî ra, semeda ke şew rayîr gênî û limite hereket kenî nameyê serîyye ameyo dayîş.”
Ansîklopedîya Îslamî de, çekûya serîyye bi qelema Serdar Ozdemîrî ra no hewa yeno ziwan: “Herbê ke, Hz. Pêxember bi xo nêdekewto û fermanderê xo erşawito û bi no hawa aye herb rayîr berdo.”
Ma tayîna biwanî: Xoverdayîşê ke Hz. Pêxember hîcretî ra kilmek wext dima dayo destbikerdiş de him hetê stratejîk û him zî hetê taktîkê herbî de icraatê tewr muhîm serîyyeyî. Armancê serîyyan ya ewil, komikên ke vernîya vilabîyayîşê Îslamî gênî werte ra hawanî û tadeya madî û manevî ser îslamî ra rabikerî. Bi no hawa raşteyeke azad semeda misilmanan bivirazî.
Rojnameyê rojane de qey ma serîyyan ra eleqeder benî? Coka ke nika rojhilatê vaşûrî de rayvistineke bi nameyê “Serîyyeyêy Şêx Seîdî” esto û no hawa aseno ke, rojê ameyox de zî ma do nameyê înan zaf bieşnawî.
Ger ke şima biwazî deraq dê serîyyeyan de agahî bigî, şima eşkenî înternetî de bidekewî rîpela [https://goo. gl/Tz6d47]. No rîpela internetî de şima eşkenî marş û resmê ke marş rey de aseno temaşe bikî.(Ez bi israr vernîyaz kena ke şima no bikî.)
Ê ke marş viraştî, bi vatişê “Serîyyeyî ziqaqê Amedî de / fedaîy rayîrê Êlihî de” dest bi de kenîy, ‘La îlahe îllallah/bijî bijî Hizbullah domnenî û rayna’ dest de beyraqa tevhîdî/ ziqaqê Êlihî / raşteya Cizîrî de / bi gonîya şehîdan rey / do binûsî înşalah / la îlahe îlallah…”
Demo ke marş qedyeno ekrana monîtorî de nûşteya: “Hizbullah rayna raşte de / Ma do dinyayî serê şima sero xira bikî.” asena.
Asayîyo ke tîya de çekûya “rayna” hişê kê de kuwayena.
12’ê citmenge 2014’î de “Hedîseyê Kobanê” (6-8 ê citmenge) ke hûmara merdeyan nêameynê zanayene ra dima înternet de ser keyepela Ege Siyasetî (http://goo.gl/Dqt5vO) de yew xeber ame weşênayîş. Sernameya xeberî zî no hawa bî: “Rayvistina Hizbullahî hêrsbîyaye ya - Serîyyeyêy Şêx Saîdî sonda heyfgirotişê kerdîy.” Spotê nuşte zî no hawa bi: “Rojên peynî de, semeda ke çeteyêy PKK/BDPî bi meneykerdişê Kobanê hêrişê misilmanan, mizgeft û qursanê Quranî kenîy, hizbullahijî hêrsbîyaye yî.” Xeber bi temamî no hewa bî: “Bi meyneya Kobanê hêrişkerdişê çeteyê PKK/BDPijan ya kurdê oldar, mizgeft, qursê Quranî û komelanê Îslamî sero hîzbullahijan hêrs kerd. Hizbullahijî semeda ke nê hêrîşan de verpersê vinbîyayeyêy ke hetê înan ra virazya nêameyo dayîş, hêrsbîyaye yî. Û hîzbullahijî wazenî ke bi qatan reyde verpersê nê hêrişan bidî. Serîyyeyên ke hizbullahî ra besteyî ser hesabê xo yê Twîtterî ra sondê heyfgirotişî ardîy ziwan.
Vernîya ke ma vîyarî hesabê Twîtterî, ez nûşteyê ke binê na xeberî de ameyo nuştiş biyera ziwan: “Homayê min wa şima rê hetkarî bikero, pîyê înan ê zerduşt do belaya xo biveyno.” Ê ke no şîrove nûşto, yeno fehmkerdiş ke vînayeyê serekkomarî barr keno. Ma bêrî ser hesabê @Saidseriyeleri. No hesabê Twitterî tewr zaf, wexto ke pêrodayîşê ke Şirnex/Cizîrî de qewimya û no perodayîş de yew Huda-Parî ra, di ten zî HDPî ra ameybî kiştiş de ame xebetnayîş.
Tweeta ke roja 27 ê kanûne de ameybî vistiş, no hawa yo: “Temamê Serîyyeyê Şêx Seîdi, teqîpkerdişê murtedîyan (bêol) bi domnênê.”
Wexto ke merdim no peyam waneno, fikiryeno ke gelo no peyam semeda çi ameyo barkerdiş. Semeda ke kiştişê tayî kesî ke ameyîy diyarkerdiş, hedef nîşan danî gelo? Qewimyayîşê ke Amedî de bi, no persanê ma rê hetê bîyaye de şikan veceno werte. Coka kîştişê serekê komeleya İ-Îhya-dera Newe Aytaç Baranî dima, kîştişê çand kesê ke verêna amebî diyarkerde zî, no nîşanê ma dano.
Yewna tweeta ke 27’ê kanûne de ameyo vistiş de: “Goreyê qewimyayîşê ke Cizîr de benî, ma do tayî mewzîyan bikî armancê xo.” Rayna heman rojî de: “Ê ke Serrîyyeyan teqîp kenî! Fek bi vatişê “dewlet kura da” veradê. Dewlet cehnim de ya. Serriyeyî ser karî.”
No deraq di Keyepela Ajansa Yuksekovayî, rîpela xo de vat: “Qezaya Şirnexî Cizîr de hemverê hêrişkerdişê PKKijan a şarî sero, Serîyyeyêy Şêx Saîdî dekewt têgerayîşî û vernîya qetilkerdişeke girde girewt. Goreyê xeberê ke Cizîrî ra ameyî, Serîyyeyê Şêx Seîdî, hemverê hêrîşanê azayê YDG-H û PKKijan vindetî û vernîya yew qetlîama girde girewtîy.”
No hawa de nê pêkewtişî senî ameyî raşte û berz bî zî hesabê @Saidseriyyeleri de ameyo ziwan. (4’ê kanûne 2014): “Serîyeyê ma tayê waran de qontrolê rayîran kenî. No kontrol zî, cayo ke lazimîya ma tede estbo do dewam biko. Yeno zanayene ke nê pratîkî hetê ma ra yeno kerdiş, la ê ke xo nas nêkenî bi zanaye benî kenî malê DAIŞî. Û bi no hawa yew vînayîşê şaş wazenî bidi ronîştiş.”
NAVENDA XEBERAN