Weçînayîşê 1’ê Teşrîne ra tikey mend. Weçînayîşê 1’ê Teşrîne de heme şar do bira xo bido. Tabî ke nê weçînayîşê 1’ê Teşrîne normal yew weçînayîş nîyo. Bi esil şarî 7’ê hezîranî de şar bira xo û îradeya xo eşkera kerdbi labelê faşîzma AKP nê bir û îradeya şarî qebûl nêkerd û sernawera bira weçînayîşî da.
Şûraqaya qesra Erdoganî verê zî bi rewşa eşkerayî ra vatê; ma HDP meclîsê nêwazenê û waşt ke HDP binê bendî de bivindarnê. Labelê no warî de hînê verade HDP binê bendî de bimano, HDP weçînayîşê 7’ê hezîrane de seyî ra 13. ra serkewtişê girdî viraşt. Tabî ke weçînayîşê 7’ê hezîrane zî normal rewşa asanî ra yew weçînayîş nêbe.
No warî de HDP heme tewr ra hemverê şîdetê qirkerdişan ra bi rewşa mergî ra xo ver xo da û serkewtişo gird viraşt. Weçînayîşê 7’ê hezîrane de şarî bedelê gird day. Faşîzma AKP ancî zî gonî werdişê şarî ra mird nêbî. Rayna zî weçînayîşê 1’ê Teşrîne ra qirkerdişo gird viraşt. No qirkerdişo gird zî navendê Enqere de virazîya.
AKP vera HDPe heme tewr qirkerdişê qirêj şuxilneno
AKP waşt ke no qirkerdişê Enqereye reyde heme falîyet û xebatê HDPe bivindarno û şarî rewşa mergî ra bitersno. Verê no qirkerdişê Enqereye zî heme bînayê HDPe ra galakerdişê viraşt. Tabî no warî de faşîzma AKPe hemverê HDPe ra heme tewr qirkerdişê qirêj viraşt. Hema zî AKP nê qirkerdişê qirêjan ra dewam kena.
No warî de şûraqaya qesre Tayyîp Erdogan bi rewşa aşkerayî ra vano; “HDP normal zemîna legalî de yew partî nîya û ma zî nê wazenê ke HDP Meclîs de ca bigîro.” Heta no warî de Edoganî vat; planê ma yê C, B estî û nê planî zî qirkerdişî bî û zilm tadayî bî. No heme planê xo kerdî dewre û hema hema her roj hemşaraderan, encumenê şaredarîye û îdarekerê HDPe tepîşenî û tewqîf kenê.
Her roj gede, ciwan kal û cenî nêvano qetil keno
Enka zî emanetger û kukla serekwezîr Ahmet Davutoglu şarî ra her roj gefan waneno. Davutoglu vano; “Eke ma îktîdar nêbê se Torosê Sipî kewnê dewre û şima zî no gore bira xo bidê.”
Bi serranê 91-92 de nê Torosê Sipî bi rewşa limitey ra şar rewmnanê qetil kerdê la Davutoglu bi rewşa aşkerayî ra û raşteyan de her roj gede, ciwan kal û cenî nêvano qetil keno.
Hînê kora mendî Torosê Sipî? No warî de çapemenîya tirk û heme qelemşorê zûrikerî heme tewr paştî destek danê faşîzma AKPe û nêwanê, siba yena serê ma. Çimkî faşîzma AKPe dişmenê heme kesîya. Ayê ke AKP ra nîyê heme kesî dişmen hesibnena.
Çimkî çapemenîya zûrikere nêzana ke demokrasî ma heme kesan ra lazima? AKP enkay ra bi rewşa aşkerayî ra çapemenîyê ke, şîrketê ke, TV yê zûrikeraya înan nêkenê êrîşa înan kenê û kilît danê berê înan ro. No hewa rewşe rewşa faşîzma AKP ya.
Seba rewşa weşîya şarî çekî nêkerdo
Hînê miladê faşîzma AKPe qedîya yo û AKP zî no warî de har bîya hînê kam kewt verê înan veşnena vêrena. Çimkî no warî de sewbîna weçîneteyê înan nêmendo. Hînê zûrikereya AKP pere nêkena.
Çîyrê pere nêkena? Çimkî AKP no 13’ê serra ke îktîdara û seba rewşa weşîya şarî çekî nêkerdo. Enka zî Davutoglu warişto beyanameyê weçînayîşî de zaf zûrikerey keno û no warî de hata heme ciwanan jewijneno û ardim keno.
Yew fîske daxî nêdayo piro
No hewa zî bi rewşa qedênayîşî ya hînê nê zûrikerey ra çi tepişt. AKP heyana ewro hemverê DAIŞe ra yew tek fîske nêdayo piro û nêvisto enka zî wariştî ser DAIŞe operasyonan virazenê.
Mana nê operasyonî zî hemverê YPG ra rewşa gala hêrişîya. Nê çend rojê yo ke TSK ser sînorî de hêrişê YPGe kena. Heyana ewro AKP heme tewr paştî destek dayo çeteyanê DAIŞ zî û enka zî bi rewşa aşkerayî ra gala YPGe kenê. No tewr rewşe zî bi aşkerayî ra paştîdayişê çeteyê DAIŞe yo û sewbîna tewr mana zî çînî ya.
Dijî Torosê Sipî xoverdayîş
Enka zî weçînayîşê lezîya yewê Teşrîne ra yew di rojî mendî la gelo ganî hem şarê tirk û hem zî şarê kurd û heme şarî hemverê faşîzma AKPe ra bi rayanê xo reyde dersê AKP bidê û faşîzma AKP birijnê.
Taybetî Kurdistan de ganî şar hînê rewşa xo zelal bikero. Hînê Kurdistanî de cayê AKP nêbimano. Ayê ke raya xo danê AKP êzî hînê nê roj ra pey dişmenê xonê û mileta xonê. Enkay ra pey ganî nê xayînî heme tewr ra şermiza û teşîr bibê. Hînê roj roja camêrdeyî yo û roj roja xoverodayîşî yo. Esil têkoşîne 1’ê Teşrîne ra dime dest pê keno. Enkaya ra weçînayîşê serkewtişî ya 1’ê Teşrîne heme şarê bindestan ra fîraz bo