Çemê Munzur, Dersim keno didi lete û derg beno sono. Dersîmizan seweta ke ravêrê o verê Munzur, ebi îmkananê xo pird virastiyê. Nî demê payizî de kî mavêna navendê sûk û qezayê Pilûr de kî homet hewcedariyanê xo, ser pirdo ke ebi şert û mercanê xo virastî ra temîn kenê. Pird ê hilaweştî yê bi nameyê ‘Şörşveng’, ‘Doe Sure’, yê ke serra 2004’î de hetê sarî viraziyay, biyê lingî 8 dewanî çorme.
Nî pirdî eleqeyê dewanî Doe Sure, Mamnes, Gamir, Dewa Purtko, Doludibek û yê Sarı Tosun girîdanê pê. Pirdî Şörşveng serra 2004’î de hetê 12 welatijanê dewa Doe Lîlo viraziya. No pirdo ke ebi texteyanê darî viraziya, 30 metre derg o.
Xêlê Dersîmizî seweta seyranî ser pirdî ra vîrenê ra. Herzewbîn wesayîtî kî serva hewcedariyanê xo biyarê ca ser pirdî ra vîrenê. La wesayîtê ke barî ci giraniye, çemî ra vîrenê ra.
Ûsarî de xesar vîneno
Welatizan ra Devrim Eroglu, o ke virastisê pirdî de emegê xo vîrd ra, ano zon ke asmê ûsarî de rîwalê berzbiyînê Munzûr’î pird xesar vîneno. Waxtê amnanî de kî onca pirdî virazenê. Eroglu vano: Asmê zimistanî de, rîwalê vorîna vor wesayitî eno pirdî kar nîanê. Pirdê beton a ke 20 kîlometre dûrîyo kar anê.
DERSIM/DÎHA