PKK sernî de Rayverê Şarê Kurd Abdullah Ocalan'î, roşanê vejînî heme mîlîtananê xo, şar û merdimahî rê bimbarek kerd. PKK şexsê şehîdanê ronayox ê PKK Hakî Karer, Mazlum Dogan, Kemal Pîr, Hayrî Dûrmûş û Sakîne Cansiz de, heme şehîdê partî ardî vîrî û fina bîn sozê ca-ardişê wastenê înan ard ziwan.
Genc û cenîye qehreman
Komîteyê Rayverîn eleqe ant muhîmînê xeta PKK ser û vat: “Gerîlayê ma ê xeta fedaîyin ê partiya ma de, her 4 leteyan de qehremanîna lej kenê, serra 38. de jî, bi dayinê bi seyan şehîdan, lejê azadî de, qezencê gird ê siyasî û eskerî vetê werte.Gencê qehreman, cenî û şarê ma yê fedakar û quwetê demokratîk vera êrişkarînê AKP û DAIŞ xo ver da. Ma şexsê Fermandar Çiyager û Mehmet Tûnç de, heme şehîdanê xoverdayişî yad kenê.”
Bîyayişê xo, çinkerdişê Kurdan de vînenê
PKK vist vîrî ke hereketê azadî û şarê kurd, vera êrişanê topyekûn ê dîktatorînê Erdogan û AKP, xoverdayişê topyekûn esas gênê û wina vat: “AKP û MHP bîyayişê xo, çinkerdişê Kurdan de vînenê. Vera estinê Kurdan, êrişê qirkerdin ramenê. Çi heyfo, se serra 21. de, verê çimanê dinyay de, qirkerdino viraziyeno, la belê goreyê wasten, veng nêvejiyeno. Gerek heme quwetê azadî ê Kurdistan û Tirkiye bibê jew û vera faşîzmê AKP û MHP heme ca xo ver bidê. Xoverdayişê winayin, bişop peyniyê hetkarînê AKP û MHP biyaro. Partiya ma jî, hedreya zey hertimî tekoşînê pîroz rê rayverîn bikiro.”
Kongreyê Netewî virazime
PKK ard ziwan ke, ê emel kenê şarê Rojava bi şaranê Suriye ra pîya, Federasyonê Surîyeya Demokratîk ronê, şarê Başûr, vera kayan aya hereket bikero û sîstemê xo ê demokratîk bero ravey û şarê Rojhilat zî, qandê çareserînê siyasî bixefitiyo.
PKK peynî de jî veng da heme partî, sazî, roşnîkar û hunermendanê Kurd û pêrin ra wast ki, çarçiweyê demokrasiya Kurd de piya hereket bikirê û Kongreyê Netewî û Kurdistan'î virazê.
ANF / BEHDÎNAN