HÊVÎDAR RIZGAR / ARJÎN MIDYAT
ANF / BEHDÎNAN
Gerîlayanê HPG û YJA Starî derheqê serrgêra 40. ya ronîyayîşê PKKyî ser o qisey kerdî. Gerîlayan serrgêra ronîyayîşî sere de Rayberê Şarê Kurdî Abdullah Ocalanî û şehîdan rê pîroz kerd û hîsê xo ardî ziwan.
Gerîlayan ra Hêvîdar Şîrvane va ‘têkoşînê ma rixmê heme hêrişan 40 serrî yo dewam keno’ û wina domna: “Çimê heme dinya ma ser o. Hêzê serdestî pawenê ke PKK biqedîyo. La PKK çend şino gird beno. Ma bi qerardarîya pîle vanê ke bê serkewtiş yewna rayîr çîn o. Ya serkewtiş ya serkewtiş.” Çekdar Artêşî dîyar kerd ke 40 serrî yo dewleta tirkî bi ûsulanê leyşinan hêrişê şarê kurdî û têgêrayîşê azadîye kena û wina va: “PKK cuyeya azade esas gêno. Aye ra her tim bi girdbîyayîşî rayîrê xo rê dewam keno.”
Huseyîn Taxikêyî da zanayene ke dişemen her serre vano ‘Ma do peynîya PKKyî biyarê’ la PKK çend şino gird beno û wina va: “Çalakîyê gerîlayî û xoverdayîşê şarê kurdî her kes vîneno. Dişmen xora koyanê Kurdîstanî de vîndî kerdo. Têkoşînê ma do dewam bikero. Se beno wa bibo seba ma serra 41. do bibo serra serkewtişî.”
Mîlîtanê PKKyî bîyayîş şansêko gird o
Xalis Amedî zî wina va: “Bi tarîxê 27ê Teşrîna peyêne şarêk reyna wiriştê lingan ser. Bi kedê Rayberîye û şehîdanê ma no têkoşîn heta ewro ame. Ma sey gerîlayê HPG û mîlîtanê PKK û Rayberîye serra 41. de azadîya Rayberîye hedef kenî.” Gerîlayan ra Nûda Sasone zî va ‘PKKyî her hetî ra morê xo dayo pelenê tarîxî ro’ û wina va: “Şexsê PKKyî de ruhê şarî yo xoverdayox reyna biyo ganî. Têgêrayîşê azadîye de ca girewtiş û mîlîtanê PKKyî bîyayîş seba ma şansêko gird o.