Emser serrgêra 39. ya Awanbîyayîşê Partîya Karkeranê Kurdistanî (PKK) yo. Seke yeno zanayîş PKK 27ê Teşrîna Peyêna 1978î de dewa Fîsî ya ke girêdayeyê qezaya Licê ya Amedî ya de ronîyabî. 

Babete ser o Fermdandarîya Qerargehê Merkezî yê Pawitişê Şarî (NPG)mesajê pîrozkerdişî weşênaye. Fermandarîye mesajê xo de dîyar kerd ke serra 40. ya têkoşînî do bibo serra serkewtişî û gerîlayê Kurdistanî do seba serkewtişî kamcîn hemleyî lazim bibî, do ê hemleyan bierzî.

Fermandarîye mesajê xo de serrgêra awanbîyayîşê PKKyî heme PKKyîyan û şarê Kurdistanî rê pîroz kerde û wina va: “Partîya ma 39 serrî verê seba ke dagîrkerîye çinî bikero û estena xo bigîro binê temînatî, awan bîye û heta roja ma ya ewroyî bi hawayo serkewte ameye. Ma ser nameyê heme hêzanê pawitişî serrgêra 39. ya partîya ma sere de Rayber Apo, heme embazan û sempatîzananê xo û dayîkanê şehîdan û heme merdimîye rê pîroz kenî.”


No tarîx tarîxê qehremanan o

Fermandarîye mesajê xo wina domnayo: “Tarîxê 39 serran yê partîya ma, tarîxê qehremanan o. Nê destanî bi gonîya şehîdanê ma ameyî nuştiş. Cok ra partîya ma partîya şehîdan a. No tarîx de keda tewr girde yê Rayber Apo û yê şehîdan a. Ma Hakî Karer ra heta Delal Amede heme şehîdanê xo bi minnet yad kenî. Ma soz danî ke ma do doza înan biresnî serkewtişî. Ganî gonîya ti embazê/a ma erd de nemana. Bitaybetî ma do gonîya şehîdanê Besta erd de nêverdî. Partîya ma proseso ke heme çî ser de dagîrkerîye estbî, ameye awankerdiş û hêvîya azadîye girde kerde. Cok ra awanbîyayîşê PKKyî mudaxalekerdişê heme dagîrkerîye yo.”


PKK cuyayîş de israrkerdiş o

Fermandarîye dîyar kerde ke Rayber Apoyî bi kedêka girde PKKyî ardo dûştê rayberîye û wina domnayo: “No het de şarê kurdî rê rayîrê estena û azadîye akerdo. Şarê Kurdistanî ewro vera DAIŞ, AKP û MHPyî de têkoşîn dano û no het de heme şaran rê bîyo finak. Sîstemê Rayber Apoyî heme şaranê Rojhelato Mîyanên rê bîyo hêvî. Ewro serra 40. ya PKKyî de Kurdistan de ruhê newteweyî ameyo awankerdiş. Ma do hîna zaf wayîrê nê ruhî bivejyî û ma do rayîrê şehîdan de şêrî û sozê xo bîyarî ca. Ma her wextî ra hîna qerarar î ke têkoşînî biresnî serkewtişî.”


Ma serra 40. pîroz kenî

Fermandarîye peynîya mesajê xo de vato ‘ma do na çarçewa de serra 40. bikerî serra azadîye’ û wina qedênaye: “Seba nêyî çi lazim bibo, ma do bikerî. Ma do bi sloganê ‘Cuyêka bêrayberî esla qebul nêkerî’ seba ke serra 40. bikerî serra azadîye, têkoşînê xo bidomnî. Do vindetişê hêzê gerîla û vindetişê şarê ma yo welatperwer û cinîya Kurdistanî, ma do hemleyanê dagîrkeranê faşîstan veng bivejî. Bi no hawa do têkoşînê ma qezenç bikero. Ma do bi na bawerîye hewl bidî serbikewî û serra 40. ya partîya ma Rayber Apo û heme embazan rê pîroz kenî.”


ANF/BEHDÎNAN