Yew deyîr esta. Na deyîr wehşeta ke dewleta Romê Reş(Osmanî) ser Şarê Kurd kerda, ser na wehşetê yena vatiş. Şarê Kurd, hetanê serre 1834 dewleta Osmanî ra leşkerî nîkerdenê. Bac(vergî) yanî pere xeracê nêdenê Osmanî. Wexto ke hetê balkanan û cayê bîn destê Osmanî ra vejîyayê, dewleta Osmanî pê di artêş kewti Kurdistanê. Şarê Kurd qirkerd, pêro ciwanê Kurd pê zordarî kom kerd û bi zor berd û kerdî leşkerê xo.
Wexto ke dewleta Osmanî, Kurdistanê no qirkerdiş kerd, kêna û cinîyê Kurd seba nêkewre destê eskerê Osmanî, pê xenceran herîşe eskerê Osmanî kerdenê û hina şerkerdenê. Ayê ke xencer û çekê înan çînibi, xo eştenê Çemê Batman, Çemê Botan, Çemê Dîcle, Çemê Hezo û Çemê Sarûm.
Wexto ke kêna û cinîyê Kurd no xoverdayîşê kerdenê deyîra zerrî veşayî vatenê. Nayê deyîran ra yew hina ameyenê vatiş. Deyîr Kurmancîya û hinaya.
“Em in em jinên Kurdan e.
Mirin ji bo me erzan e.
Lê namûs ji bo me giran e.
Em lez kin bilezînin.
Biçin ser pira Mala Badê.
Bi destên hev bigirin û bavêjin.
Avên çem û behr û deryan e.
Bila goştê ma bibe xwarina mişk, mar û masiyan e.
Lê can û cesedê me nekeve destê eskerê bênamûs.
Eskerê Roma reş eskerê Tirkan e”.
Zazakîya na deyîr zî hinaya:
“Ma yê ma cinîyê Kurdê.
Merg seba ma ercan o.
La namûs seba ma giran o.
Ma lez bikeri kaybikeri.
Ma şerê ser pirdê Mala Badê.
Ma destê yewbîn bigeri û xo berze.
Awên çem, behr û deryayan.
Wa goştê ma bibo werdişe merê, mar û masîyan.
La wa can û cesedê ma nîkewro destê eskerê bênamûs.
Eskerê Roma reş eskerê Tirkan o”.
Na deyîr de seyî bîyo, emser zî eynî hina egîdîya şarê Kurd, kêna û cinîyan Kurd ser dinya ra vila bî. Kêna û cinîyên Kurd, Şengal de Rojavayê Kurdistanê de hina xoverdayîşek kerd ke, dinya şaş û maş menda. Rojnamegerê dinya, nuşte ser nuştan nusnenê. Egîdîya kêna û cinîyê Kurd ver, hurmetîyê xo nîşandanê. Vanê, ayê ke verênîye çeteyên DAÎŞ’ê T.C girewto têna YPJ’êyîyê. Rojnamegerên dinya seba ke no agîdîyê YPJ’êyîyan bivînê, kewtî dor seba şerê Kobanê û Rojava.
Herkes ser egîdîyê kêna û cinîyên Kurd qiseykeno. La nêzanê bingeyê na egîdî Rêberê Şarê Kurd Abdullah Ocalan viraşto. Zîlanan viraşta. Nêzanê Arîn Mîrkan no cesaret û rûh çara girewto.
La ma eşkenê rehet vaji ke ayê ke deqê xo da serra 2014’ê şarê Kurdo. Bi teybet kêna û cinîyê YPJ’eyîyê.
Seba nayî ma eşkenê bir zerrîweşî vaji ke, serra 2014 serra YPJ bî. Ma hevî û bawer kenê ke serra 2015’ê zî bibo yê Şarê Kurd û YPJ.
Nika ra ma serre newe yê Şarê Kurdistan û cîhanê pîroz kenê.