Şewa serrgêre ra Sekreterê pêroyî yê Şaredarîya Şaristano Gird ê Amedî, Zulkuf Karatekîn zî tede xeylê kesê ke xebatê ziwanî ra eleqedar benî, tewr-beşdar bî.
Şewa serrgêre de qalîkerdişê destpêkî Gruba Vateyî ra Munzur Çem’î kerd. Mûnzûr Çem’î qalîkerdişê xo de hayr ant muhîmîya ziwanî û xebatê Gruba Vateyî ser. Sekreterê Pêroyî yê Şaredarîya Şaristano Gird ê Amedî Zulkuf Karatekîn’î zî qalîkerdişê xo de hayr ant qedexeyê vejyayîşê teberî yê Sûr, Nisêbîn, Cizîr û zaf hetê Kurdistanî ser û ciresna ke, nê cayê ke tede qedexe esto de, heta nika zaf sivîlî amey qetilkerdiş. Karatekîn’î dergiya qalîkerdişê xo de hayr ant xoverdayîşê şarî ser û vat ke no xoverdayîş, sifteyîn xoverdayîşê ziwanî yo û hayr ant gureyînê Gruba Xebate yê Vateyî ser. Karatekîn’î vist vîrî ke Grûba Vate hetê ziwanî de têkoşînê ziwanî dana û no semedî ra xebatê înan bimbarek-pîroz o.
Muhîmiya tekoşînê ziwanî
Şew de, Gruba Vateyî ra M.Malmîsanij qalî kerd. Qalîkerdişê xo de vist vîrî ke, ê doman-qeçekê serranê 1950’an ê. Peycoy hayr ant serranê 1960-1970’î de zehmetîya kurdbiyişî ser. Malmîsanij’î qalîkerdişê xo de muhîmiya dayişê têkoşînê ziwanî û vejyayîşê fikrê awanbiyîşê Gruba Vateye zî ard ziwan. Tewr peynî zî Gruba Xebate ya Vateyî ra Haydar Diljen’î qalî kerd.
Bade qal û qiseyan şew, bi goşdarîkerdişê muzîkê Kerem Sevînç’î peynî bî.
NAVENDA XEBERAN