Bi sedan welatiyên Kantona Efrînê cenazeyên şervanê YPG‘ê Reşîd Xelîl (Mezlûm Doxan) ê 6‘ê Îlonê li nexweşxaneya Avrîn a Efrînê jiyana xwe ji dest dayî û Cemo Ebdo (Rustem Şêrawa) yê li gundê Basûfanê jiyana xwe ji dest dayî, ji nexweşxaneya Avrînê wergirtin. Girseyê cenazeyên her du şervanan bi karwanekî wesayîtan ber bi Goristan Şehîd Refîq a li gundê Metîna ya navçeya Şera ve bir.
Girseyê bê navber diruşmeyên dilsoziya bi cangoriyan re berz kirin û li rêya ketina goristanê cenaze ji wesayîtan daxistin û heta bi goristanê meşiyan.
Piştî merasîma leşkerî ya şervanên YPG/YPJ‘ê fermandara YPJ‘ê Gulbihar Kavar, Rêveberê Meclîsa Malbatên Şehîdan a navçeya Şêrawa Mehmûd Cafer û Hevseroka Desteya Ciwan û Werzîşê Gulê Cemo axivîn.
Qisekeran komploya navneteweyî ya li dijî Rêberê Gelê Kurd Abdullah Ocalan şermezar kir û soza şopandina doza têkoşeran û xwedîderketina ramanên Ocalan dûbare kirin.

 EFRÎN