Qezaya Riha Sêwereg de 14 kesî girotiyaybî bin çiman û midûriyetê emniyetê Riha de raştê îşkence û kerdenanê xirab ameybhi. Parlamentera HDP yê Riha Dîlek Ocalan enê îşkence, tacîz û kerdenê xirab kirêşt meclîsî.
Binçimgiretenê bi îşkence
Qezaya Riha Sêwereg de 14 kesî, 24ê Mijdarî de amey binçimkerdin û berdinîy midûriyeta emniyetê Riha. Welatijî bi kelepçeyê çewt, bi çim girote, bi rojan ser pay de vinderniyay. Ceniyê ke amey binçimkerden raştê tacîzê fizîkî yê polîsan amey. Herzewbîn kesê ke amey binçimkerdin bi ‘torosê spî’ amey tehdît kerdin.
Parlamentera HDP yê Riha Dîlek Ocalan na babed kirêşt meclîsê tirkiye û serva-qandê ke wezîrê karê zerrî Efkan Ala cewab bido pêşniyaz-verniyaz pers da. Ocalan serva ke Ala cewab bido, nê persan kerd.
Fermanê îşkence kê da?
* Serva ke, kesê ke amey binçimkerdin berdiniyê şûbeyê midûriyetê emniyetê Riha fermana wezareta şima esta?
* Eke ferman nê ame dayen, nê kesî çima ardinîy Riha?
* Wezîfeyê personelê ke midûriyetî de îşkence rewa vînenê çiçîyo?
* Nê personelî bi fermanê kamîwezîfe kenê.
* Nê kerdenî, pêrokîn kesê ke çiman de yê rê yenê ferzkerdin? Eke tenya verra nê kesano se, sebebê ci çiçîyo?
* No personel, ekîbê do taybeto ke, teberê Riha ra ameyo?
* Sûkanê bînan de zî eynî ekibî ameyê tenzîmkerdin?
* Sebebê tenzîmkerdişê nê ekîban çiçîyo?
* Wezîrtiya şima, derheqê nê kesan de ciperyayen da destpa kerdin?
* Rexmo ke, nê kerdenî ravêrdî îfadeyanê mahkeme, sebebê destpa nêkerdişê cipersyayen çiçîyo?
Parlamenterê bîn yê Riha Osman Baydemîr’î zî veriya çend rojan, babed kirêşt rojdemê meclîs û bi pêşniyaz pers babeda îşkence Efkan Ala ra pers kerdibi.
DÎHA/RIHA