***
Zehf bixebetyim e. Heta ewro kamî ray nêdawa nê tewgerî yeno zanayiş.
Beno sey ra sey (%100) merdim nêzano la zehf tay yeno zanayiş. Teknîk raver şiyo. Hem kesî zî zanê bi ca biyarê.
Wexto merdim bayno weçînayişê verînan ra kamco sandiq de çend ray estê, çend amey şixulnayiş, deyê kamco partiyan pêro yenê eysayiş.
***
Gava merdim weçînayoxan a sandiqe bivîno yineydir e qisey kero zanê kam kes, an kamco malbat raye dawa kamî, kamco partî zanê û vanê.
Wexto nê kewt werte merdim êşken bikam, an kaman yinedir e qisey biker, bivîn û qisey biker. Girîngiya nê weçînayiş gereyker. Tera vaj. Vatişê verînan: “Kar (gure) lazim ti wextê ceyde bikerê”. Merdimê mêrdî rê (tiyad çekuya mêrdî eril niy, zana raşt xora razî cenî û camêr teydir) nêzanayiş, nêşkayiş û nêqedênayiş eyb o.
***
Ti nêzan, zana est bigeyr bivîn, kam zan yinera perske, ti zî bibe zana. Ti nêşken, bigeyr kam êşken bivîn, yê êşken bi yine bide kerdiş. Ti nêqedênen bi kam qedyen bigeyr tiwo bivîn. Temam gure, kar xebat bi zerî ra bêro kerdiş muvafiq beno. Ti çend cehd bikerê tiwo hende biserkewê. Naye rê zî aqil, pilan program lazim. Ewro merdim awnen yê nê karî bikerê zehf ê.
***
Ewladanê malbatanê na erdnîgarî semed edalet, biratî zey yewbînîye no çewres sera tekoşîne daw-danê.
Raya heq û raştîde ganê xo daw- danê. Lazimo her embaz naye xo vîr ra nêkero. Na raştî tim ver çiman de bigero.
Roj çinyo cenazê şehîdan- ewladanê ma ma serde nînê.
Roj esta des cenazey ma serde yenê. Lazim ma bi na raştiya bizanim e. Bi na raştî bixebetyim e.
***
Cehd bikerim e. Weçînayiş verniya nê cenazan zî gen. Na gonî vindarnen.
Raynê ez van; ma heştê menga hezîranîy de nêvajim werrrek ma na zî bikerdim e. Ma no gure nîmjet verda.
Nê ma çi hewce keno heta hewtê menge bikerim, bi ca biyarim e. Ma bi ca biyarime ma wo nêvajim waxxxx!. Ma bi deste xo karê xo bikerim e. Karê ewro nêverdim e siba (meşt). Beno ku meşt zehf erey bo.
***
Xo vatişê verînan: “Karê şanî mewerde serêsibay”.
Heme çiy lazim ma wextê ceyde bikerim e. La biaqil, bi heş û mêjî bikerim e.
Ewro rewşa na erdnîgarî, der û dor bi temamî Kurdistan, Tirkiya û Rojhilatê Miyanin ver çimando. Tay roj zehf zêde bi qedr û qîmetê. Lazim merdim qedr û qîmetê yê rojan bizano.
Zey qemçik masîyo, bifeletyo feletyen. Ti hindî nêşken biger, rapey biyar.
Hewtê hezîran zî yê rojanê bi qedr û qimetîyo. An zî yinere yew o. Bêrê ma teydir na bende birijnim e.