15ê teşrîna peyêne roja Qetlîyamê Dêrsimî ya 1938î yo. Eynî wext de nê qetlîyam de Seyîd Riza û embazê ci ameybî aliqnayîş. Emser serrgêra 80. ya aliqnayîşê Seyîd Riza û embazanê ci yo.
Babete ser o Federasyonê Komeleyê Dêrsimî (DEDEF) û Yewîyê Dêrsimî yê Demokratîke yê Ewropa (ADEF) îzehetêk dayî û ewro saet 19.38î de Rasteyê Galatasarayî de Seyîd Riza û embazê ci bêrî yadkerdiş.
Îzehet de bale ancîyayo ser polîtîkayê asîmîlasyon û zextan yê ke 1937 û 38î de vera şarê Dêrsimî de ameyî xebetnayîş ser û wina dewam kerdo: “15ê Teşrîna peyêna 1937î de rayber û seyîdê Dêrsimî ameyî aliqnayîş. Ewro cayê mezelê ê rayberan dîyar nîyo. Merdimê înan 80 serrî yo ke mezelê merdimanê xo gêrenî. Ma seba ke nê vengî heme cayê dinya de bidî eşnawitiş, Rasteyê Galatasarayî de yenî têhet. Seba roşnkerdişê tarîtîya tarîxî ti zî mûmêk tafîne. Ma paweyê Dêrsim û dostanê dêrsimijan î.”
PÎRHA/STENBOL