HELGURT BAGOK / ANF / BEHDÎNAN
Tevgerê Azadîye mîyan de bi hezaran hîkayeyê şexsîyetanê qehremanan estî. Nînan ra yewe zî ya Seyîd Riza Erdalî (Hasan Turan) ya.
Erdalo ke eslê xo de mêrdînij o, serra 1977î de Îzmîr de yeno dinya û wexto ke Îzmîr de Unîversîteya 9 Eylulî wendêne, fek mektebî ra veradano û beşdarê gerîla beno. Erdal nizdîyê 18 serran bi hawayo aktîf têkoşîn dano.
Erdal sere de sehayê Mêrdîn û Botanî û sewbîna xeylê waran de dûştê îdarekarîye de wezîfe keno. Badê ke gerîlatîye de reseno dûştê profesyonelîye, bi seyan gerîlayî bi keda ci resayî. Erdalî fealîyetê xo yê perwerdeyî bi hesasîyet û tîtîzîyêka girde domnayêne.
Welatperwerîyêka girde û vindetişêko qerardar
Erdal mîyanê embazanê xo de bi hîsê welatperwerîyêka girde, qerardar ameyêne şinasnayîş û qet heyecanê xo vînî nêkerd. Hertim vatêne ‘Heme çîyî destê şarê ma ra ameyî girewtiş. Seba wayîrvejîyayîşê têkoşînê şar û Rayberîya ma çîyê ke bêrî kerdiş, aşkere yî’ û wayîrê wezîfeyê donemî vejîyayêne. Erdalî hertim şert û mercê tewr zehmetinan de têkoşîndayîşî esas girewtêne û bi şexsîyetê xo yo mutevazî hertim sey mîlîtanêko nimûne vindetêne.”
Ti wezîfe ra nêrema
Erdal mîyanê têkoşînî de Botanî ra heta Qendîlî, heme cayê têkoşînî cîya nêkerdêne û embazanê xo rê bîyêne roşnîye. Erdal 2016 de Metîna de zafaneyê plankerdişê çalakîyan de ca girewt. 2016 de şî Herêma Omeryanî. Verê şîyayîşê xo de pêvînayîşêk de wina vatêne: “Vejîyayîşê ke nê prosesî de bîyî, perspektîfê donemî bi hawayo zelal ronayî vernîya ma. Embazê Xebat, Doga û Zinar ke bi hawayo fedaî beşdarê prosesî bîyî, ma rê benî perspektîf. Ez ferqê berpirsîyarîya ke nê embazan daya ma de ya. Ma do bi no hawa nizdîyê înan bibî. Ma do vîrardişanê înan bidî cuyayîş.”
Erdal bi 4 embazanê xo Omeryan de şehîd kewt.