Goreyê tayî cipersyayişan welatê Awrûpa Almanya de zî mîyanê jû serr de 100 hezar ra vêşî cenî raştê şidetî yenê û bi seyanê ci zî weşiya xo kene vinî.
Bi raştameyişê 25ê Mijdare ‘Roja tekoşîna vera şîdetê dûştê cenîyan’ ra pîya merhaleyê şîdetî hona zelal vejyeno werte. Îstatîstîkî damûsnenê ke ‘Welatê kanperest’ ra pîya, welatanê ke xo zey ‘modern’ vînenê de zî cenî raştê şîdet, û kiştişî yenê.Nê welatan ra jew zî Almanya yo. Rêjeyê şîdetî yê Almanya gonîya merdimî vindarneno. Goreyê Daîreyê Krîmînal ya Federal ê Almanya, serra 2012 ra nat Almanya de şîddet se ra %5 zêde (vêşî) bîyo. Bîyayişanê şîdet ê par ra % 82 mexdûr cenî yî. Almanya de her serr 100 hezar ra vêşî cenî hetê merdeyê xo ra şîdet vhinenê. Netîceyê şîdetî de her serr bi seyan cenî weşîya xo kene vinî. Goreyê raporî, cenîyê ke zerreyê keyeyî de raştê şîdet yenê, bêveng manenî û gerreyê camêrdî nîkenê.
BERLÎN