Dersîm de rêxistinanê KJA yê sûk bi wesîleyê 25'ê Mijdar'î jû rayşiyîn organîze kerdî. Ceniyê ke kuçeyê Sanat de amey telewe, heta Çarçiyê Yeralti rayşî. Ceniyê ke ebi kincê xo yê netewî tewrê rayşiyîn bî, sloganê 'cenî ciwyan azadî' berz kerdî. Azaya platformê ceniyan yê Dersim leyla Akyildiz qisey kerd û hayr ant kiştişê doman û ceniyan yê Nisêbîn, Farqîn û cayanê bîn ser. Akyildiz va: Mîras o ke ma wayanê Mîrabel, Sakîne, Sîbel û Arînan ra dewr girot ma dê girs bikerê. Badê damûstayîn cenî serva taqîpkerdinê roniştişê dawayê Meral Tîmtîk, a ke hetê merdeyê xo amê xetilkerdin, şî edliye.
Amed de aktivîteyê 25'ê Mijdar
Kongreyê Ceniyanê Azad KJA Amed de rîwalê 25'ê Mijdar salonê Sumer Pard de kombiyayina çapemenî viraşt. Kombiyayen de hayr anciya kiştişê ceniyan ser û vajiya ke heta ke statuyê xorayverîn qebûl nêbo, tercîxê ciwyayişê netew-dewletan qebûl nîbeno.
Bazarê koleyan şermê G20'î yo
Qiseykerdoxa KJA Ayla Akat Ata kombiyayen de qisey kerd û ard ziwan ke endî cenî zilmê dewlet û yê camêrdan qebûl nêkenê, îtiraz kenê. Ata herzewbîn hayr ant babedê ceniyê ke hetê çeteyanê DAİŞ amey remnayin û bazarê koleyan de yenê roten ser û va: No şermê kesê ke zirweyê G20 virazenê yo.
Hemseroka MHD Gulşen Ozbek zî aşkere kerd ke Kurdistan de 6 aşmanê peynî de 53 cenî amey qetilkerdin. Qezayê Amed Baxlar de zî damûstayîn ame dayen.
Sêwereg ra heta Mûş nûmayişî
Qezaya Riha Sêwereg de zî cenî tewrê mitîngê 25'ê Mijdar yê Pirsûs bî. Ceniyê ke ver banê sendîqayê Egîtîm-Sen de amey pêser seatanê sodir de hetê Pirsûs hereket kerdî. Mitîng de şîdet rê vajiya endî bes o!
Sûkanê zey Wan, Mêrdîn, Mûş, Stenbol, Enqera û Batman de zî ceniyan ebi mitîng û rayşiyînan şîdet û qetlîamê verra ceniyan û civakî protesto kerdî û mesajê berzkerdinê tekoşînî day.
Girotxaneyan ra mesajê 25'ê Mijdarî
Bi wesîleyê 25'ê Mijdarî jû eşkerakerdiş zî girotxaneyan ra amê. Tepişteyê cenî yê ke, tekoşîna serbestiye de giroteyê, serva-semedê 25'ê Mijdar'î eşkerakerdiş day. Zîndanê Sîncan ê Enqera de tepişteyê PAJK pêro ceniyan ra waştî ke, verva şîdet werzî ser payan.
NAVENDÊ XEBERAN
Xoverdayiş gird bikerê
Kordînasyonê Komalên Ceniyanê Kurdistan KJK zî bi wesîleyê 25’ê Mijdar’î damûstayinê nişteyî da. KJK ceniyan ra wast ke, çormeyê xoverdayişê weşînê azad û demokratîk de ca bigirê
DAİŞ şîdet xorîn kerd
Kordînasyonê KJK sernî de wayê Mîrabel û heme şehîdê azadiya cenî ardî vîrî û sozê ronayinê meştê azad, zeypê û demokratîk ard ziwan. KJK qalê muhîmînê tarîxa 25’ê mijdar rojê têkoşînê vera şîdetê ser ceniyan kerd û vat: hewna verra ceniyan şîdet heme cayê dinyay de rameno.
Rojhelatê Miyanî, DAIŞ o ke bi tecrubeyê şîdetê hezar serran ra bena warî vejiyê werte, şîdet kerd vêşî. Bedenê cenî, zey sahayê lej ê mezheban, dewleta û rêxistinan vîniya. Şengal de kerdenê bedenê ceniyanê Êzidî ser, peyniyê şîdetê hezarî serrîn bi. Teniya ceniyê êzdî nê, ceniyê Kurd, Ereb, Tirkmen, Şebek, Asûrî û Ermenî jî rastê şîdetî amey.
Dewlet hêrişê sîstemê hemserokîn kena
KJK eleqe ant xoverdayişê ceniyanê Kurd zî ser û vat: Ceniyê Kurd sahaya xoverdayişî kerd hera. Sîstemê hemserokîn vist dewre. Dewleta Tirk vera nayî lej îlan kerd. Sîstemê hemserokîn hedef girot. Bi wezîfe ra girotinê hemşaredaranê cenî, bê tehamulînê xo mûsna.
KJK ard ziwan ke vera enê heme kerdenanê xirab, xoverdayişo ke omidê merdimî keno vêşî jî esto û wina vat: Şexs dê şoreşê Rojawa de, xoverdayişê serva-qandê heme ceniyan bibo nimûne mûsiya. Serva jew sîstemê demokratîk, azad û zeypê, xoverdayiş lazimo. KJK peynî de pêrokîn ceniyan ra wast ke, tewrê wastenê rayverînê xoser bibê û xoverdayişî berz bikirê.
ANF/BEHDÎNAN