Seba Durmuşî 2 êlule 2001’ê merasîm ame viraştiş la belê polêsan bi tade û zilmî hêrişê merasîmî kerd. Rayedarê HADEPe zî waştê cenazeyê Durmuşî teslîm bigê, la belê polêsan nê rayedaran girewtîy binçimê. Sifteyin vîrardişê Zeynel Durmuşî rê saetê sersibayî banê HADEPa Zeytînburnuyê vero bi beşdarbîyayîşê dest pê kombîyîşê kerdî la belê verba no rewşî zî polêsan dorûverê banê girewtbî û destûr nêday ke çew bikewo kuçeya banê. Polêsan zî peynî hêrişê girseyî kerd û beşdarwanî zî bi kerrayan hêrişê polîsan ra pawitîy.
Cenazeyê ci girewtî
Hewna verê adlîyeyê di zaf hûmarîy de kesî waştê kom bibê la belê di noca de zî polêsan hêrişê welatijan kerdî û welatijan zî bi dirûşmeyan papola Rauf Denktaşî ra dest pê meşî kerdî, oca de zî polêsan hêriş kerdî. Peynîya hêrişê endamê HADEPe verê sazîya Tiba Edlîyê kom bîyê û waştê cenazeyê Zeynel Durmuş bigîrî la belê polêsan no demî de serekê HADEPe ya Stenbolî Dogan Erbaş û rayedarê HADEPe ya Stenbolî Sunullah Altan, Sebahattîn Hali û Ferhat Yegîn girewtî binçimê.
Peynî zî welatijan cenazeyê Zeynel Durmuşî girewtbi û eşrawitbi Mêrdînî. Dema cenazeyê girewtişî de nêzdî hezaran kesî hetê cenazeyî de meşîyay la belê hewna polêsan hêriş kerdî û beşdarwanê zî têkoşîna xo mojnay.