PÎRDOGAN KEMAL / ANF / BEHDÎNAN
Ciwanê Kurdî yê ke hemverê hêzanê kolonyalîstan de şerêkê giranî kenê, heman wextî de vîrameyîşanê xo zî nusenê. Cuya mucadelekar û cangorîyan bi deyîran û şîîran rîpelanê tarîxî rê yena nuştene. Gerîlayê HPGyî Tolhildan Zanayî qala şîîre û cuya gerîlayan kerd.
Zana dîyar keno ke gama o şîyêne mekteb hişmendîya Kurdîtîye ê dir bîye xurt û naye ser o hewesê ê virazîyayo ke xo bido edebîyatî ser. Şaîr û hunermendê Kurdî yê ke keye de qalê înan ameyo kerdene, xeylî bala Zanayî anta. Zana vano, gama ke ê şîîrê înan goşdarî kerdêne yan zî wendêne, şexsîyetê ci de vurayîşê cîyayî virazîyayê û vano “Bêguman nê çîyî ez hîna zaf ez nizdê şorişî kerda.”
Tolhildan Zanayî qiseykerdişê xo de cuya gerîla û muhîmîya şîîre kerd û wina va: “Her vîsta cuye yan zî her hemrayê ke şehîd bîyê ganî rîpelanê tarîxî de bêrê nuştene. No mucadele ganî cuye de û şîîranê ma de bêro qalkerdene. Ez eşkena vajî ke mîyanê refanê gerîlayan de na babete de averşîyayîşêko rind esto. Ganî derheqê her embazanê ma yê ke şehîd bîyê de deyîrî bêrê viraştene, şîîrî bêrê nuştene û cuya înan cimatî rê bêro qalkerdene. Bi na yewe manîfestoyêk vejîyeno werte; no manîfesto zî rastîya mucadelekaranê azadîye ya. No ma rê giran bêro zî ganî ma seba înan bikerê.”
Çîyo esas rastîya şehîdan û Rayberê ma ya
Tolhildanî va ‘şîîre seba gerîlayan qalkerdişê pêgirewtişê bi vîrardişî û cuye yo’ û wina qedêna: “Naye ra terzo tewr rast ê qalkerdişê na babete yo. Bêguman nizdbîyayîşê Rayber Apoyî yê şîîre xeylî rind o. Nizdbîyayîşê Rayber Apoyî yê şîîre, macerayêka cuye ya. Tîya çîyo ke ma xo rê esas gênê; rastîya şehîdan û Rayberê ma ya. Ma nê çîyan seba xo kenê peymeyêkê cuye.”