Şikefteyê Hasunî ke tarîxê înan heta 3 hezar serran apey şono, qezaya Farqînî ya Amedî de yo û sey cayo sifteyîne yê merdimîye yeno hesibîyayene. Şikefteyê Hasunî nika hetê defînegêrayoxan ra yenî taxrîb kerdene.
Şikefteyê Hasunî de 300 odeyî estî û bêxera odeyan depoyê awe, hemam, merdîwanî, rayîrî, kîlîseyê zinarênî, tîyatro û sewbîna çî estî û tarîxê ci heta mîladî ra ver 1000 serrî şono. Şikefteyî destpêkê xirîstîyanîye ra dest pêkenî û heta seserra 13. dewam keno. Nika banê hemamî rijîyayo û nîno xebetnayene. Tarîxê tayê çîyan zî nîno zanayene.
Ame musayene ke hemamê herême hetê defînegêrayoxan ra ameyo texrîb kerdene. Xeylê cayê hemamî ameyî kinitene. Verê cû no hemam de restorasyon ameyo viraştene. Seba ke herême de ewleyîye çin a, herême bîya cayê tiryakkêşan û ameya texrîb kerdene.
MA / AMED