Neheqîyê ke karkeran ser de beno her ke şono gird beno. Dewijê dewa Buyukobaya Îzmîrî seba ke şîrketê Îmbat Madencîlîk A.Ş sozê kardayîşî dabî înan û dima ra sozê xo nêard ca, vera şîrketî de çalakî viraştî. Xebatkaranê şîrketî ra Firat Kaya, Gokhan Ayaydin û Volkan Çetînî zî seba ke hetkarî daybî çalakîyê dewijan 3ê kanûne 2016 de derheqê înan de tehqîqat amebî destpêkerdiş. Îdarekarê şîrketî tehqîqatê karkeran xo rê sey mehne dîyî û karkeran gure ra eştî. Goreyê pêkerdişê Sendîkaya Dev Maden Îş û Polyak Maden A.Şî ti kes nêeşkeno heta 6 aşmî karkeran gure ra bierzo. Babet ser o Avûkat Aycan Çiçeke qisey kerde û qiseykerdişê xo de bale ante heqê kedkaran ser.
MA DO QEZENC BIKÎ
Çiçeke qiseykerdişê xo de bale ante neheqîya ke karkeran ser de yena kerdiş û qiseykerdişê xo de wina va: “Sere ra heta nika vera karkeran de neheqî virazîyenî. Soma ra nata suc yeno kerdiş. Şîrketê madenî bêhuqûqîyê Tirkîya xo rê sey firsend dîyî. Karker seba ke endamê sendîka yî gure ra yenî eştiş. No nîno qebulkediş. Ma do neheqî ver de bêveng nêmanî. Ma do bi tesilî qezenc bikerî.”
DÎHABER / ÎZMÎR