Partîya Herêmê Demokratîkî (DBP) serra 2014 de seba komelêko ekolojîk, demokratîk û azadîya cinîyan modela hemserekî awan kerde û 102 şaredarîyan de kerde dewre.
Teşebusê derbe ra dima Qerarnameyê Hukmê Qanunî de (KHK) ameyî vetiş û 94 şaredarîyan rê qayûmî ameyî tayînkerdiş. Badê îlankerdişê OHALî 28 hemserekê cinîyî ameyî tewqîfkerdiş û înan ra 4 kesî zî ceza girewtî. Qayumê ke ameyî tayînkerdiş, sere de îradeya cinîyan hedef girewtî û 52 komeleyê cinîyan ameyî padayiş.
Babete ser o Endama MYKyî ya Berpirsîyara Îdareyê Herêman ya DBPyî Hedîye Karaaslane qisey kerde. Karaaslane qiseykerdişê xo de wina va: “Ma bi zîhnîyetê demokratîk, azad û seyyewbînanî şaredarîyan îdare kerdênê. Labelê îqtîdarî waşt ke sîstemê hemserekîye krimînalîze bikero. Ma tena îradeyê şarî esas genê. Şar sîstemê ma yê hemserekîye ecibna û tesdîq kerd. Zîhnîyetê ma yê îdarekerdişî bînayan de sînorkerde nîyoDewlete tehemulê îradeya, xoawankerdiş, xoîfadekerdiş û xopawitişê cinîyan nêkerde.”
Ganî rêxistinkerde bibî
Karaaslane tewr pêynî wina va: “Sîstemê merkezî kulturê kurdan hedef gêno û hêrişê kurdan keno. Sîstem wazeno ke kurd û kulturê kurdan asîmîle bikero. Qayûmî wexto ke ameyî tayînkerdiş sere de cinîyan hedef girewtî. Wextê ma de hêzê cinîyan virazîya û cinîyî rêxistine bîyî. Her çiqas ke qayûm şaredarîyan rê ameyî tayînkerdiş zî ma fek têkoşînê xo ra veranêdanê.” n MA/AMED