RONÎDA HACÎ JINNEWS/TIL TEMIR Cinîya kedkare û tebîethes Selwa Ehmeda 35 serreyî ke Koyê Kizwanan de ya, karê şiwanetîye kena û bi no hawa debara xo kena. Selwa Ehmede daye zanayene ke mêrdeyê aye Lubnan de maneno û aye zî domana xo rê bena maye û pî. Selwa Ehmede wina va: "3 domanê mi estê û mêrdeyê mi Lubnan de xebitîyeno. Ez zî domananê xo rê hem bena maye û hem zî bena pî. Ez xebitîyena ke domanê mi hewceyê kesî nêbê. Nêzdîyê 50 pesê ma estê û ma hêgayêk kîra kerd seba pesê xo tede de biçêrnê. Cayê ma goreyê çerênayîşê pesî vurîyeno. Nika ez dewa Tarûqî yê Til Temirî de ya." Selwa Ehmede va ‘cuye û debara ma bi tebîetî dir girêdaye yî’ û wina dewam kerde: "Wexto ke varan vareno tebîet bibereket beno. La wexto ke varan çinêbo ma nêeşkenê pesê xo biçerênê. Cuya ma bi tebîet dir girêdaye ya. Mast, penêr, rûn, toraq heme bi xêrê pesê xo ma virazenê û roşenê." 'YPJ û YPGyî wayîrê ma vejîyayî' Selwa Ehmede bale ante ser hêrişê çeteyanê DAÎŞî yê serê Koyê Kizwanan û qiseykerdişê xo wina qedênaye: "Wexto ke ma Koyê Kizwanan de bî ma seba çeteyê DAIŞî nêeşkayne ke pesê xo biçerênê. Sey ke ma zîndan de bê. La dima ra YPG û YPJyî Koyê Kizwanan çeteyan ra pak kerd û ma azad bîyî. Dima ra ma şêna pesê xo biçerênê."