Domanê 2-12 serrî kerdî terorîst
Hiqûqa dewleta tirk onca îmze eşt bin skandalekê newî. 8 qicê (doman) ke 3ê Adar de eve keyeyanê xo ra pîya qeza ra amey tehlîye kerden û mavêna 2 û 12 serrî yê, bi îdiayê 'azayê rexistinî’ yê yenî sucdar kerdin.
Pawitoxê qican Muharrem Şahîn inê babed zêy skandalê hiqûqî hesibna û va: "Derheqê qican de yeno vaten ke semedê suc teşwîk bîyê, inê çîyê skandal o û vera na skandal Sazîyê Berz ê Dozger, Meclîs, Parlementoyê Ewropa û Yewînê Mîletan ra ma îtîraz kerdo.”
Şahîn ard virî ke qicê badê Sûr ra tehlîyê bî, berdîyayê zindan, qismekî înan binê namê pawitinê dîyayê sazîyê asîmîlasyonê dewlet û vat: "Emrê qican mavenê 2 û 12 serreyo. Ewraqê ke hedre biyê bingeyê ci yê hiqûqî çinîyo. Semedê inê kes nêşkeno yinê mehkeme bikiro. Yew cayê dinya de zî tawê winayîn çiniyo."
DÎHA/AMED