Nayê zanîn ka S.O. dijî an na. Li Tirkiyeyê her roja diçe bûyerên îstîsmara cinsî ya li hemberî zarokan zêde dibin. Herî dawî li navçeya Hêzanê ya Bedlisê li gorî rapora muayeneya Tiba Edlî ya Nexweşxaneya Dewletê ya Xîzanê ya 22’ê yê adara 2010’an zaroka bi navê S.O a 10 sali li mala xwe zarokek aniye dinê. Zaroka hate dinê jî piştî demek kin jiyana xwe ji dest da . Sedama mirina zarok nayê zanîn û her wiha nayê zanîn ku S.O jî niha li kû ye. Di girteka muayeneyê ya tê behskirin de tê xwestin ku sedema mirina zaroka nû hatiye dinê bê lêkolînkirin. Her wiha nokteya girîng ew e ku li gel dihat zanîn ku S.O ducaniye jî biryara parastina wê nehatiye girtin.
Nayê zanîn ku S.O. ya ku di girteka muayeneyê de hatiye qeydkirin niha li kû ye. Ji parêzerên Baroya Enqereyê Prz. Şahîn Antakyaloglu ji ANF’ê re axivî û diyar kir divê di serî de Dozgeriya Komarê ya Xîzanê û Wezareta Tenduristiyê li ser vê yekê baş raweste. Antakyalıoglu, diyar kir ku li hemberî sûcên zayendî di qanûnî de cezayê gelek giran hatine diyarkirin û wiha axivî, „Ger îstîsmara bi xistina organ û tiştek din pêk hatibe ji 8 salan heta 15 salan, ger ji ev sûc ji aliyê malbat, xizim û rayedarên ku wan dinêrin ve pêk hatibe nîviyek tê zêdekirin.“ Antakyalioglu destnîşan kir ku ji ber zaroka wê çêbûye xuya dibe ku tenduristiya S.O. yê xera bûye û bi boneya ku di vê mijarê de peywirên xwe bicih neanîne divê der barê rayedaran de gilî bê kirin.
Li Tirkiyey ê li gorî lêkolînan ji sedî 25’ê keçikên 18 salî rastî îstîsmara zayendî û tundiya zayendî tên. Li gorî lêkolîna beşa Pedîatrî ya Fakulteya Tibê ya Zanîngeha Kocaeliyê, tê dîtin ku asta istîsmar û tundiya zayendî ya navmalbatî li Tirkiyeyê di ser asta cîhanê de ye.


BÎLAL MÛTLÛ- BEDLÎS