Parlamanterê Komeleya Îslamî ya Kurdistanê Soran Omer yê Parlamentoya Herêma Kurdistanê nameya îstifaya xwe pêşkêşî serokatiya Parlamentoyê kir û îstifa xwe ragihand. Di nameyê de wiha tê gotin; “Daxwazê dikim ku ev nameya min weke dest ji kar kêşana min, di civîna herî nêz a parlamentoyê de were erêkirin. Ji ber sedema ku parlamentoyê erka xwe ya yasadanîn, çavdêrîkirina hikûmet û nûnertiya xelkê Herêma Kurdistanê bi cih neanî ye.” Herî dawî Partiya Demokrata Kurdistanê (PDK) bi riya dadgeha Hewlêrê biryara girtina Soran Omer da. Berê jî bi dengên parlamenterên Partiya Demokrata Kurdistanê (PDK) û kêmneteweyan (Ku weke PDK’ê tên naskirin) mafê dest nedanê yê Soran Omer li parlamentoyê rakirin. ROJNEWS/SILÊMANÎ