Rayverîya Şorişê Yasemîn reyde 25 çileya 2011’an de Misir de şar dijî rayedarîya faşîst de dest pê xoverodayişîko gird kerdbî. Çarçiweya no xoverodayîşê şarê Misirî bi rojan kûçe û papol û raşteyê Misir de çalakîyan dar vistbî. Çimkî şarê Misrî êdî şîdetê polîs, OHAL, bêkarî, pereyê asgarî, kêmasîya banî, kêmasîya werdî, nêrayîrtîyî û kêmbîyîşê îfadeya azad ecîz bibî.
Rayverîya nê çalakîyan Tevgera 6’ê Nîsane kerd
Verba no xoverodayîşê şarê Misrî de serekkomarê faşîst Husnu Mubarek nêçare îstîfa kerdbî. Demo vîyarteye de Misrî de çalakîyê şenik ameynê kerdiş la esil çalakîya gird, ‘Roja Hêrsî’ 25 çile de dest pê kerd û pêroyî ya Misrî ra vila bî û rayverîya nê çalakîyan Tevgera 6’ê Nîsane kerdbî. Zey çalakîyê 2011’î dîrokê Misrî de nêameybî dîyîş. Nê çalakîyan tewr cîya koman ra kesî ca girewtî, 1977’ê Serehewanayîşê Nanî ya Misrî ra nika ona gird çalakîyek nêameybî viraştiş.
Dîktator Sîsî
Peynîya weçînayîşê Misrî de sifteyin serekkomarî ra Mursî rayanê şarî reyde ame weçînayiş labelê peynîya weçînayîşê çiqas waedî ke verê weçînayîşî Mursî dabî û heme vîra kerd û waşt dîktatorîya xo înşa bikero labelê dijî no waştişê Mursî ra sewbî dîktator Sîsî bi hetkarîya dewletê DYA, Israîl, Sûdê Erebistan û Ewropaye darbe viraşt çi heyf ke nika ser Misrî de yew derbekar bîyo serekkomar.
Wendoxê ma hêja tikey zî bibo ma dîroka Xoverodayîşê Raşteyê Tahrîrî ra ewnîyay. Ma bêrê Xoverodayişê 6-7’ê Citmenge ra, nê rojan çeteyê DAIŞe bi hetkarîya dewleta AKPe hêrişê Kobanê kerdînê û armancê çeteyê DAIŞe têkberdişê serfirazîye kurd û qetilkerdişê şarê kurd bî.
Xopawitiş nêbo do kurdan çeteyî qetil bikerî
Serekkomar Erdogan zî nê rojan de bi aşkera çeteyê DAIŞe ra hetkarî daynê û vatbî; Kobanê kewt û do bikewo la dijî no vatişê Erdogan û hêrişê çeteyê DAIŞe şarê kurd dest pê Serehewanayîşê 6-7’ê Citmenge kerd. Çimkî şarê kurd zanaynê eke Kobanê bikewo do kurdê Rojawanî hetê çeteyan bêrê qetilkerdiş û peynî zî nê çeteyê heme serfirazîyê kurdan têk bêrî.
Hêzê kurd zî çeteyê DAIŞe Kobanê de têk berdî
Hetanê nika polîtîkayê lêmin ê dewleta tirk Rayverê Şarê Kurd Abdullah Ocalan fam kerdo û no ser zî Rayver Ocalan Rojawan seba yewîtîya şaran no pergalî înşa kerd û demê dagirkerîyê Rojawan de zî Rayver Ocalan vat bike do ê ganî bikero se Tirkîyaye de zî kantonan îlan bikerî. No têkoşînê kurdan ser zî nêçare dewleta tirk sînorê xo hêzê kurdan akerd û hêzê kurd zî çeteyê DAIŞe Kobanê de têk berdî la çi heyf ke bi çalakîyê Kobanê zî dewleta tirk rîyê xo lêmin faşîst mojna û nê çalakîyan de zaf hûmarîy de welatijê kurd cuyayişê xo dayî.
Şarê kurd zî çalakîyê Kobanê de ders girewt û no ser zî dest pê înşakerdişê xopawitişê kerd û no ser zî dewleta tirk demê hêrişê Gimgim û Farqîn de şaşî de mend û çimkî şar dijî hêzê dewleta tirk de têkoşînako bêhempa da û polîtîkayê dewlete têk berd labelê dewleta tirk hewna seba hêrişê kurdan Gewer û Cizîr de welatijê kurd qetil kerd û lejkerê kurd zereyê şaristanê tank û çekê obus şuxulneyî û normal de nê çekan zereyê şaristan û qezayan de sûcê merdimatî yo. No ser zî ganîyo ke Tirkîye Dadgehê Mîyanêneteweyî de bêro daraznayîş la faşîst faşîst nêrzeno û dewleta tirk hêzê faşîst û dewletperest pawiyenî.
Teşkîlatê HDPe de xopawitiş
Ganîyo ke şarê kurd dijî faşîstîyê dewleta tirk de dest pê Şerê Şorişgerî ya Şarî ra dest pê bikero û 6 heremê de zî kantonê xo înşa bikero. Eke nê kanton û no şer dest pê nêkero se şarê kurd do peynîya ci wahîm o, dewleta tirk hewna Rojawanî ra hêriş bikero û qezencê kurdan têk bêro.
Dijî heme nê polîtîkayê dewleta tirk de HDP tam wezîfeyê xo kay nêkerd. Êdî HDP zî dewleta tirk waştiş ra fek verado û seba înşaya Xoserîya Demokratîk xebat bikero û heme teşkîlatê HDPe de zî yewîneyê xopawitiş û meclîsî bêrê xulqkerdiş. Eke çarçiweya xorayîrberdiş ekonomîya xo înşa bikero, no demî dijî dewlete hîna bi hêz bibo û mecbûrî dewlete nêmano.