Dûştê Komployê Mîyanneteweyî nêrazîbîyayîşê Kurdistanijan ramenê. Nûmayişan de Kurdistanijî serbestîya Rayverê xo ra pîya, welatê xo rê statu wazenê. Kurdî û dostê ci yê ke welatanê Awrûpa de cuyenê û bi rojano seba protestokerdişê Komployê 15ê Sibate ser payan ê, xo seba 11’ê Sibate  nûmayîşa gird yê Strasbûrg kenê hadre. Hereketê Cinîyanê Kurd yê Ewropa (TJK-E) ra dima, KCDK-E û Yewîya Cinîyanê Kurd yê Almanya  (YJK-E) zî bi îzehetêko nuştekî Kurdistanijan silayîye Strasbûrg kerd.  YJK-E herzewbîn da zonayen ke roja 15'ê Sibate de pêro eyaletanê Almanya de, çelengê sîya dê ronîye ver Konsolosxaneyanê Tirkîye.

Bi desan cayan de nûmayîşî

Serrgêra 18. de Komploya Mîyanneteweyî bi rayşîyayîşanê derg, mitîng, stand û semîneran protesto beno. Hefteya verî de xêlê welatanê Awrûpa de, bi desan cayan de rayşîyayîşê dergî virazîyay. Nika zî Kurdistanijî û dostê ci Luksembûrg ra û Mannheîm ra ver bi sûka Fransa Strasbûrg rayşîyayîşê derg virazenê. Nûmayişkarî ewro resenê sûk û dê meşt tewrê mitîngê girdî bibê. 

11ê Sibate de Strasbûrg de bê!

TJK-E roja verî bi îzehetêko nuştekî vera Komployî nêrazîbîyayîşê xo damûsna û veng dabi cinî û pêrokîn Kurdistanijan ke seba protestokerdişê Komplo tewrê meş û mîtînga Strasbûrg bibî. TJK-E ra dima, YJK-E zî bi îzehetêkî vengê tewbîyayîşî da. YJK-E va bîyayîşê Rayver Apo xobîyayîşê ma yo. 

YJK-E hayr ant tecrîdê girankerdî yê ser Rayverê Şarê Kurd Abdullah Ocalanî ser û nayî ra dewleta Tirk, DYA, NATO û welatanê Yewîya Ewropa verpersîyar girewt.  Îzehetî de vajîya ke zey cinîyê kurd ê 18 serrî yo seba serbestîya Rayverê xo têkoşîn kenê. YJK-E Meşa Derg ya Enternasyonal selamî kerd û wina va: “Ma veng danê pêrokîn quwetanê demokrat û şoreşger, bi teybetî veng danîme cinîyanê kurd ke seba protestokerdişê Komployê Mîyanneteweyî 11ê Sibate de Strasbûrg de bê.” 

Bîyayîşê Rayver Apo xobîyayîşê ma yo

Yewîya Cinîyanê Kurd yê Almanya vist vîrî ke roja 15'ê Sibate de pêro  eyaletanê Almanya de, çelengê sîya dê ronîye ver Konsolosxaneyanê Tirkîye û da zonayen ke meclîs, komun û însiyatîfê cinîyan dê meş û mîtîngan virazê. YJK-E veng da cinîyan ke bi slogana “Bîyayîşê Rayver Apo xobîyayîşê ma yo”, “Bê Serok cuye nêbeno” bivejyê meydanan. 

KCDK-E zî Komplo lanet kerd û va, “Seba ke destûr nêdayişê komployanê newî rê û him zî ver vetişê faşîzma Recep Tayyîp Erdoganî, bi vengekî berz vajîyo ‘NÊ’ herkesî silayînê Strasbûrg kerd.


 NAVENDÊ XEBERAN