ÎBRAHÎM EHMED / ANHA / GIRÊ SPÎ
Artêşa Tirk û çeteyanê ci ke 9ê Teşrîna verêne ra nata yo ke hêrişê Vakur û Rojhelatê Sûrîye kenî, Girê Spî de dest bi talan, remnayîş û qetilkerdişê sivîlan kerdî. Grûbê çeteyan ke sivîlan remnenî, keyeyanê sivîlan ra pere wazenî. Babete ser o Hemserekê Meclîsê Kantonê Girê Spî Hêvîn Îsmaîle dîyar kerde ke sucê ke Efrîn de bîyî, ewro Girê Spî de dibare benî.
Hêvîn Îsmaîle daye zanayene ke ê averşîyayîşanê bajarî nizdî ra taqîb kenî û wina dewam kerd: “Bajar de sucê sey dizdê, remnayîş, talan û sewbîna sucê merdimîye benî. Zafaneyê şarî mecbûr mend ke koç bikero. Ma seba ke lazimîyanê şarî pê bîyarî, bi şewe û roje xebetîyenî. Ma grûba xo ya xebate kerd 3 beş û nê beşî do Reqqa, Eyn îsa û El Çelebîye de lazimîyanê şarî pê bîyarî.”
Hêvîn Îsmaîle veng da Milletê Yewbîyayeyî ke wa vera hêrişanê dewleta Tirkî de tewirêko cîddî bigîro û waşte ke wa ê hêrişanê dagîrkerîye yê dewleta Tirkî bivindarnî.