Serokê Komeleya Heqê Mordeman (ÎHD) ê Şaxa Wanê Mûrat Melet’î derheqê tecrîda ke 27'ê Tîrmeha 2011 ra na het ramena de ANF rê qisey kerd.
Melet’î vist vîrî ke no 19 serrî yo pêrokîn heqê hiqûqî yê Ocalan’î yenê binlingkerdiş û va, ‘Jewêr welatekê bînî, qanûn û hevpeymananê mîyanneteqeyî de çin o ke pêdîyayîşê miwekîl û pawitoxan bîrê manîkerdiş.
Mûrat Melet’î hayr ant hiqûqa Tirkîye ser û aşkere kerd ke 7 serrî yo pawitoxî nêşkenê Birêz Ocalanî ra pêdîyayîş virazê. Melet’î da zonayen ke roja ewil ra bêqanûnî û bêedaletî ya vera Ocalan’î her tim dewam kerd.
Xeber nîna girewten
Melet’î ard ziwan ke tecrîda girankerdî ya ser Ocalan’î dûştê hiqûqî yo û wina dewam kerd: “Tecrîd cayê xo mîyanê hiqûqî de çin o. Tecrîd pêrokîn qanûn û Destûrê Bingehînan de hemverê heqanê mordemî yo. Verîya nika bi raya heyetê HDP şarê Kurd û malbata Ocalan’î eşkîyay Ocalan’î ra haydarî bigîrê û bi raya pêroyîn ra bare bikerê. La ewro ti haydarîye şarî û malbatî Ocalan’î ra çin o. Vera tecrîdê girankerdî şar bi fikar o. Zey ÎHD û şarê Kurd ma derheqê weşî û rewşa Ocalanî da ti hayderî nêgînê.Seba ke tecrîda ser Ocalan’î wedarîyo, xêlê reyî hêsîranê azadî bedenê xo kerdî mertal û kewtî grevê veyşanî. Ganî hikûmet û raya pêroyî goş bido nê waştenan û tecdîdî biqedîno.”
‘Tecrîd sûcê dûştê mordemî yo
Serokê Komeleya Heqê Mordeman (ÎHD) ê Şaxa Wanê Mûrat Melet’î waşt ke şarê Kurd ca de Rayverê xo ra haydarî bigîro û vatişanê xo bi nê vatenan qedêna: “Zey ÎHD ma vengdayîşê lezgîn kenê ke destûrê pawitox û malbatan ya seba pêdîyayîşî bîro dayen. Kam beno wa bibo heqê pêrokîn tepişteyan esto ke bi pawitox, malbat û heqê xo yê telefonî bîyarê ca. Tecrîd û îzolasyon sûcekî dûştê mordemî yo. Tecrîd bi ti şiklî nîno qebûlkerden. Ganî desinde tecrîd wedarîyo û rayê diyalogî yê Îmrali abîyê. Ganî endî Îmrali de hiqûq bikewo dewrê û peynîya sûcê dûştê mordemî bîyarîyo.
OMER ÎKE / ANF / WAN