Taxa Alîpaşa ya ke girêdayeyê qezaya Sûrî ya Amedî ya de rijnayîş dewam keno. Taxe girîyaya binê abluqayî û nika pêro pîya se ra 80ê taxe de rijnayîş qedîyayo. Keyeyê ke banê înan bi hawayo zor destê înan ra ameyî girewtiş, şert û mercê zehmetinan de paweyê zimistanî yî û vera na rewşe de bireaksîyon î.
Vefeka Platformê Piştîdayîşê Sûrî Buşra Cîzrelîogullariye qala rijnayîşo ke taxa Alîpaşa de dewam keno, kerde û wina va: “Îhaleyê merhaleyo yewin hetê LEDA Yapimî ra ameyo girewtiş û do tîya de herinda nê banan de 3 otelê butîkî, 8 dikanî û 57 banî bêrî viraştiş. Yeno plankerdiş ke 400 rojan de hemînan temam bikerî.”
JINNEWS - AMED