Vera medyaya hetgire ke tena vengêk esas gêna û weşan kena de weşanê alternatîfî her ke şono hîna zêde benî. Na çarçewa de vatişê ‘TAMAM’ ke prosesê weçînayîşî de bi siloganê muxalîfan, bi nameyê TAMAM TVyî de televîzyonêko newe dest bi weşanî kerd.
TAMAM TV de rojnamegerê zerrîwaştoxî ca gênî û nê rojnamegerî bi siloganê ‘Weçînayîş televîzyon de nîno nawitiş, şar bi xo televîzyonê xo awan keno’ ameyî têhet û nê televîzyonî awan kerdî. Ser nameyê TAMAM TVyî îzehetêk dîya û bale ancîya hetgirîya medyaya tirkî ser. Îzehet de ca dîyayo kampanyayê bi nameyê #Kapatgîtsîn, #TamamKapatiyoruzî û qala televîzyonanê alternatîfî ameyo kerdiş.
Îzehet wina dewam kerdo: “TAMAM TV vera bêedaletîye de seba pawitişê azadîya propoganda ya muxalefetî, bi rojnamegeranê zerrîwaştoxan awan bîyo. TAMAM TV do bi tecrubeyê Çapul TV, Hayir TV û Edalet Tvyî hereket bikero û bibo vengê muxalefetî. Adresa na xebate ziqaq û parke yî. TAMAM TV weşanê xo yê sifteyînî Parka Yogurtçu ya Kadikoyî de viraşt. TAMAM TV do bi hesabê Scope û Twîtterî ra weşanê ortax bikero. Reyna no weşan do hetê keyepel û televîzyonanê bînan ra zî bêro dayîş. Weşanê ke do heta 24ê Hezîrane dewam bikerî de raştîyê ke yenî sansurkerdiş ca bigîrî.”
PÎRHA / STENBOL