Taxa Doşluce ya qezaya Azarpêrtî ya Çewlîgî rîyê janê vîrusê Korona ra gerîyaye binê karantîna. Goreyê eşkerayîya walîtîya Çewlîgî herêma Çerîbaşi ya taxa Doşluce de janê Korona ame tesbîtkerdene coka do na herême 14 rojî binê karantîna de bimano. Goreyê zanayîşanê ke herême ra ameye girewtene rixmê qedexeyê pêserameyîşî peynîya hewteyî de taxe de veyve ame kerdiş. Veyveyo ke bi seyan kesî tewrê ci bîyî kesê ke teberê bajarî ra ameyî mîyanê înan de tayînan de şikê janê virîsê Koronayî esto. Seba ke veyve de temas ameyo kerdiş heme taxe gêrîyayî binê karantîna. Beno ke badê taxa Doşluce ke 300 kesî tede ronişenê taxê bînî zî bigêrîyê binê karantîna. Hetê bînî ra Çewlîg de 17 kesê ke pê janê vîrusê Koronayî kewtî çar rojî yo ke hûmara înan nêzêdîyaye û înan ra çar kesî bîyî weş, nêweşxaneyî ra vejîyayî. ÇEWLÎG