Taximê Futbolî yê Cinîyan yê Batmanspor 1955î ke bi piştîdayîşê Şaredarîya Êlihî ameybî awankerdiş, her çiqas ke maçê ci yê kêmî bibî zî Lîgo 3. de rêza 3. de têkoşînê xo domneno.
Cinîyê kurd hetê sporî de zî xo aver benî. Taximê Batmanspor 1955î yo ke heta nika qet têk nêşîyo, wazeno bivejîyo Lîgo 2. û ewja de têkoşîn bido. Labelê badê ke qayûm tayînê Şaredarîya Êlihî bî, heme sazî û dezgehê ke piştî dayênê taximî, hetkarîyê xo birnayî. Babete ser o mamostayê taximî Sevgî Argune û Yusuf Altunî qisey kerdî.
Tayînbîyayîşê qayûmî ra dima heme hetkarîyî birîyayî
Argune û Altunî qiseykerdişê xo de bale antî muhîmîya awankerdişê nê taximî û dîyar kerdî ke tayînbîyayîşê qayûmî ra dima heme hetkarîyî birîyayî û ê qerar girewtî ke bi hawayo taximê şarî estena xo bidomnî. Argune û Altunî seba taximî vengdayîşê hetkarîye kerdî.
ÊLIH